मुंबई : पवार कुटुंबात लवकरच पुन्हा एकदा लगीनघाई सुरू होणार आहे. राष्ट्रवादी काँग्रेस अजित पवार गटाचे खासदार पार्थ पवार (Parth Pawar) आणि कायनात धार (Kayanat Dhar) यांचा साखरपुडा येत्या २९ जुलै रोजी पुण्यात पार पडणार असल्याची माहिती समोर आली आहे. या सोहळ्यामुळे राजकीय वर्तुळासह सामाजिक क्षेत्रातही चर्चांना उधाण आले आहे.

नुकताच राष्ट्रवादी काँग्रेसचे ज्येष्ठ नेते शरद पवार यांची नात आणि खासदार सुप्रिया सुळे यांची कन्या रेवती सुळे यांचा विवाह सोहळा मुंबईत थाटामाटात पार पडला. या विवाह सोहळ्यात पार्थ पवार (Parth Pawar) आणि कायनात धार (Kayanat Dhar) यांची उपस्थिती विशेष चर्चेचा विषय ठरली होती. रेवती सुळे यांच्या लग्नात उपमुख्यमंत्री सुनेत्रा पवार यांच्यासोबत पार्थ पवार आणि कायनात धार यांनी कार्यक्रमस्थळी प्रवेश केला होता. त्यानंतर दोघांच्या नात्याबाबत चर्चा सुरू झाल्या होत्या. आता साखरपुड्याच्या बातमीने या चर्चांना अधिकृत वळण मिळाले आहे.

https://prahaar.in/2026/07/11/ajit-pawar-on-accidental-death-final-report-expected-before-january-investigations-direction-will-be-determined-only-then-chief-minister-fadnavis/

कायनात धार यांची पवार कुटुंबाशी जवळीक :

कायनात धार (Kayanat Dhar) या यापूर्वीही पवार कुटुंबातील अनेक कौटुंबिक आणि सामाजिक कार्यक्रमांमध्ये दिसल्या आहेत. काही महिन्यांपूर्वी पार्थ पवार आणि कायनात धार यांनी मध्य प्रदेशातील प्रसिद्ध महाकाल मंदिरात दर्शन घेतले होते. त्यांचे मंदिरातील फोटो सोशल मीडियावर मोठ्या प्रमाणात व्हायरल झाले होते. अजित पवार यांच्या निधनानंतरही कायनात धार पवार कुटुंबाच्या दुःखाच्या काळात त्यांच्यासोबत उभ्या राहिल्या होत्या. त्यांनी बारामतीत जाऊन पवार कुटुंबीयांची भेट घेतली होती. तसेच मुंबईतील वरळी येथे झालेल्या शोकसभा आणि दशक्रिया विधीलाही त्यांची उपस्थिती होती. (Parth Pawar)

https://prahaar.in/2026/07/11/india-is-not-just-a-market-but-a-launchpad-for-global-development-pm-modi/

कोण आहेत कायनात धार ?

कायनात धार (Kayanat Dhar) या मूळच्या हरियाणाच्या असून सध्या दिल्लीत वास्तव्यास असल्याचे सांगितले जाते. गेल्या काही काळापासून त्या पार्थ पवार यांच्यासोबत विविध सार्वजनिक कार्यक्रमांमध्ये दिसल्या आहेत. पवार कुटुंबाशी त्यांचे कौटुंबिक आणि जिव्हाळ्याचे संबंध असल्याची चर्चा आहे. दरम्यान, पार्थ पवार (Parth Pawar)आणि कायनात धार यांच्या साखरपुड्यामुळे पवार कुटुंबात पुन्हा एकदा आनंदाचे वातावरण निर्माण झाले असून या सोहळ्याकडे सर्वांचे लक्ष लागले आहे.