भीषण अपघातात चालक गंभीर जखमी 

सिंधुदुर्ग : सिंधुदुर्ग जिल्ह्यातील मुंबई-गोवा महामार्गावर पावशी (Pawashi) येथील बेल नदीजवळ भीषण अपघात (Accident) झाला. या अपघातात कारचालक जखमी झाला असून त्याच्यावर उपचार सुरू आहेत. (Mumbai Goa Highway Accident)

https://prahaar.in/2026/06/29/march-to-the-legislative-assembly-tomorrow-against-the-sub-categorization-of-scheduled-caste-reservation/

मिळालेल्या माहितीनुसार, एक कार कणकवलीहून गोव्याच्या दिशेने जात होती. त्याचवेळी विरुद्ध दिशेने येणाऱ्या पिकअप वाहनाशी पावशी येथील बेल नदीजवळ कारची समोरासमोर जोरदार धडक झाली. धडक इतकी भीषण होती की कारच्या पुढील भागाचे मोठे नुकसान झाले.

अपघातानंतर स्थानिक नागरिकांनी आणि इतर वाहनचालकांनी तातडीने मदतकार्य सुरू केले. जखमी चालकाला त्वरित उपचारासाठी जवळच्या रुग्णालयात दाखल करण्यात आले. त्याच्या प्रकृतीबाबत अधिकृत माहिती अद्याप समोर आलेली नाही.

https://prahaar.in/2026/06/29/amendments-to-be-made-to-the-law-against-illegal-moneylending/

अपघातामुळे काही काळ मुंबई-गोवा महामार्गावरील वाहतूक विस्कळीत झाली होती. नंतर पोलिसांनी घटनास्थळी पोहोचून वाहतूक सुरळीत केली. अपघाताचे नेमके कारण शोधण्यासाठी पोलिसांकडून पुढील तपास सुरू आहे.