नवी दिल्ली : भारताच्या सीमेलगत असलेला देश म्हणजे अफगाणिस्तान. शनिवारी सायंकाळी 7:04 वाजता अचानक 6.2 तीव्रतेचा शक्तिशाली भूकंप रिश्टर स्केलवर झाला. या भूकंपाचे धक्के फक्त अफगाणिस्तान नाही तर भारत सीमेजवळील जम्मू-काश्मीर आणि अनेक भागांत जाणवले. तसेच पाकिस्तान, चीन, ताजिकिस्तान, उझबेकिस्तान, किर्गिझस्तान आणि तुर्कमेनिस्तानमध्येही भूकंपाचे धक्के जाणवले.

https://prahaar.in/2026/06/27/mumbai-municipal-corporation-bmc-to-build-a-new-assembly-hall-with-a-seating-capacity-of-350-and-special-arrangements-for-officials-and-journalists/

भारतीय राष्ट्रीय भूकंप विज्ञान केंद्राच्या (National Centre for Seismology – NCS) माहितीनुसार

भूकंपाचा केंद्रबिंदू अफगाणिस्तानच्या ईशान्य भागातील कलाफगान (Kalafgan) शहरापासून सुमारे 81 किलोमीटर अंतरावर होता. हा भूकंप जमिनीखाली सुमारे 215 किलोमीटर खोलीवर झाला.भूकंपाची तीव्रता जास्त असल्याने अनेक देशांमध्ये त्याचे धक्के जाणवले. भारतात विशेषतः जम्मू-काश्मीर आणि दिल्ली-एनसीआर परिसरातील नागरिकांना काही काळ भूकंपाचे धक्के जाणवले. त्यामुळे अनेक ठिकाणी नागरिक घराबाहेर पडले.

https://prahaar.in/2026/06/27/badminton-asia-junior-championships-india-storms-into-the-quarter-finals-after-defeating-kazakhstan/

मात्र दरम्यान या भूकंपामुळे झालेल्या जीवितहानी किंवा मालमत्तेच्या नुकसानीबाबत अद्याप कोणतीही अधिकृत माहिती समोर आलेली नाही.हिंदू कुश पर्वतरांग भारतीय आणि युरेशियन टेक्टॉनिक प्लेट्सच्या संगमावर असल्याने या भागात सातत्याने भूकंपीय हालचाली होत असतात. त्यामुळे अफगाणिस्तानमध्ये मध्यम ते तीव्र स्वरूपाचे भूकंप वारंवार होत असून हा प्रदेश जगातील सर्वाधिक भूकंपप्रवण भागांपैकी एक मानला जातो.