अमेरिकेच्या हवाई दलाला मोठा धक्का बसला आहे. कॅलिफोर्नियातील एडवर्ड्स एअर फोर्स बेसवरून नियमित चाचणी मोहिमेसाठी उड्डाण केलेले B-52 स्ट्रॅटोफोर्ट्रेस बॉम्बर विमान (American B-52 Bomber Crash) सोमवारी उड्डाणानंतर काही मिनिटांत कोसळले. या भीषण दुर्घटनेत विमानातील सर्व आठ जणांचा मृत्यू झाल्याची भीती व्यक्त करण्यात आली असून हवाई दलाने या अपघातातून “बचाव अशक्य” असल्याचे म्हटले आहे. (American B-52 Bomber Crash)

स्थानिक वेळेनुसार सकाळी ११.२० वाजता या विमानाने उड्डाण केले. मात्र काही क्षणांतच विमान कोसळले आणि त्यानंतर मोठी आग लागली. घटनास्थळावरील छायाचित्रे आणि हवाई चित्रीकरणामध्ये जमिनीवर मोठा जळालेला भाग दिसत असून विमानाचे अवशेषही ओळखू येणे कठीण झाले आहे. एडवर्ड्स एअर फोर्स बेसने जारी केलेल्या निवेदनात म्हटले की, “आठ जणांना घेऊन जाणारे B-52 विमान नियमित चाचणी मोहिमेदरम्यान कोसळले. प्राथमिक माहितीनुसार हा अपघात जीवघेणा ठरला असून त्यातून कोणीही बचावले नसण्याची शक्यता आहे.” (American B-52 Bomber Crash)

अपघातानंतर तातडीने बचाव पथके घटनास्थळी दाखल झाली. मात्र परिस्थितीचे गांभीर्य लक्षात घेता ही मोहीम आता ‘रिकव्हरी ऑपरेशन’मध्ये बदलण्यात आली आहे. पत्रकार परिषदेत बोलताना कर्नल जेम्स हेस यांनी, “हा अत्यंत दुर्दैवी आणि जीवघेणा अपघात होता,” असे सांगितले. हवाई दलाच्या अधिकाऱ्यांनी दिलेल्या माहितीनुसार, मृतांमध्ये लष्करी अधिकारी, सरकारी कर्मचारी आणि सरकारी कंत्राटदारांचा समावेश आहे. विमान उत्पादक कंपनी बोईंगनेही आपल्या दोन कर्मचाऱ्यांचा या अपघातात मृत्यू झाल्याचे स्पष्ट केले असून त्यांच्या कुटुंबीयांशी संपर्क साधून मदत केली जात असल्याचे म्हटले आहे. (American B-52 Bomber Crash)

https://prahaar.in/2026/06/15/historic-peace-agreement-between-the-us-and-iran-signing-to-take-place-in-geneva-on-june-19/

अपघातानंतर एअर फोर्स बेसवरील धावपट्टी तात्पुरती बंद करण्यात आली होती. सर्व येणारी विमाने इतर विमानतळांकडे वळवण्यात आली. तसेच सर्व गैर-व्यावसायिक भेटीगाठींवर बंदी घालण्यात आली होती. नंतर बेस पुन्हा सुरू करण्यात आला असला तरी मंगळवारपर्यंत सर्व नियमित कामकाज स्थगित ठेवण्यात आले आहे. (American B-52 Bomber Crash)

B-52 स्ट्रॅटोफोर्ट्रेस हे अमेरिकेच्या हवाई दलातील सर्वात शक्तिशाली आणि ऐतिहासिक बॉम्बर विमानांपैकी एक मानले जाते. १९५४ मध्ये प्रथम उड्डाण करणारे हे विमान शीतयुद्धाच्या काळात सोव्हिएत संघाविरुद्धच्या संभाव्य युद्धासाठी विकसित करण्यात आले होते. कालांतराने त्यात अनेक तांत्रिक सुधारणा करण्यात आल्या. हे विमान अण्वस्त्रे, बॉम्ब आणि क्रूझ क्षेपणास्त्रे वाहून नेण्यास सक्षम आहे. (American B-52 Bomber Crash)

https://prahaar.in/2026/06/15/iran-us-war-peace-agreement-finally-an-end-to-the-us-iran-conflict-a-107-day-standoff-comes-to-a-close-the-strait-of-hormuz-to-reopen/

या अपघातग्रस्त विमानाचा वापर रडार आधुनिकीकरण कार्यक्रमाच्या चाचण्यांसाठी केला जात होता. अपघाताचे नेमके कारण अद्याप स्पष्ट झाले नसून लष्करी अधिकाऱ्यांनी चौकशी सुरू केली आहे. मात्र संपूर्ण तपास अहवाल सार्वजनिक होण्यासाठी सुमारे सहा महिने लागू शकतात, अशी माहिती अधिकाऱ्यांनी दिली.
विशेष म्हणजे १९८२ नंतर B-52 बॉम्बरशी संबंधित झालेला हा सर्वात भीषण अपघात मानला जात आहे. १९८२ मध्ये कॅलिफोर्नियातील मॅथर एअर फोर्स बेस येथे झालेल्या अपघातात नऊ जणांचा मृत्यू झाला होता. (American B-52 Bomber Crash)

 

View this post on Instagram

 

A post shared by Prahaar Newsline (@prahaarnewsline)