Bhandara Accident : भंडारा : भंडारा-साकोली राष्ट्रीय महामार्गावर रविवारी सकाळी झालेल्या भीषण अपघातात (Accident) दोन ज्येष्ठ नागरिकांचा जागीच मृत्यू (Death) झाला. महामार्गाच्या कडेला पायी चालत असताना भरधाव वेगाने आलेल्या अज्ञात वाहनाने त्यांना जोरदार धडक दिली. अपघातानंतर वाहनचालक घटनास्थळावरून फरार झाला असून पोलिसांकडून त्याचा शोध सुरू आहे.

ही दुर्घटना धारगाव येथील पेट्रोलपंपासमोर घडली. या अपघातात कुंडलिक वालदे (वय 63) आणि भिवा बोंदले (वय 70) यांचा मृत्यू झाला. दोघेही धारगाव येथील रहिवासी होते.

https://prahaar.in/2026/06/14/sexual-assault-on-minor-girl-girl-pregnant-three-arrested/

मिळालेल्या माहितीनुसार, दोघे राष्ट्रीय महामार्गाच्या एका बाजूने पायी जात असताना भरधाव वेगाने आलेल्या अज्ञात वाहनाने त्यांना जोरदार धडक दिली. धडक इतकी भीषण होती की दोघेही गंभीर जखमी झाले आणि त्यांचा घटनास्थळीच मृत्यू झाला.

अपघाताची माहिती मिळताच स्थानिक नागरिकांनी घटनास्थळी धाव घेत मदतीचा प्रयत्न केला. त्यानंतर कारधा पोलिसांचे पथक तातडीने घटनास्थळी दाखल झाले. पोलिसांनी पंचनामा करून मृतदेह शवविच्छेदनासाठी पाठवले.

दरम्यान, अपघात घडवणारा वाहनचालक घटनास्थळावरून पसार झाला आहे. त्यामुळे अपघातास कारणीभूत ठरलेल्या वाहनाचा शोध घेण्यासाठी पोलिसांनी तपासाची चक्रे वेगाने फिरवली आहेत. या प्रकरणी कारधा पोलीस ठाण्यात अज्ञात वाहनचालकाविरोधात गुन्हा दाखल करण्यात आला असून पुढील तपास सुरू आहे.

https://prahaar.in/2026/06/14/brazil-adventure-jump-video-thrilling-bridge-swing-turns-tragic-young-woman-released-into-mid-air-without-safety-ropes-attached-21-year-old-meets-with-a-fatal-accident/

या घटनेमुळे धारगाव परिसरात शोककळा पसरली असून मृतांच्या कुटुंबीयांवर दुःखाचा डोंगर कोसळला आहे. तसेच राष्ट्रीय महामार्गांवरील वाढता वेग आणि बेदरकार वाहनचालकांमुळे अपघातांच्या घटनांमध्ये वाढ होत असल्याबद्दल स्थानिक नागरिकांनी चिंता व्यक्त केली आहे.