नवी दिल्ली : पंतप्रधान नरेंद्र मोदी (PM Narendra Modi) यांनी आज म्हणजेच गुरुवार ४ जून रोजी राष्ट्रीय राजधानी नवी दिल्ली येथे व्हेनेझुएलाच्या कार्यवाहक राष्ट्राध्यक्ष डेल्सी रोड्रिग्ज यांची भेट घेतली. हैदराबाद हाऊसमध्ये झालेल्या या बैठकीत भारत-व्हेनेझुएला संबंधांच्या विविध पैलूंवर चर्चा झाल्याची शक्यता आहे. विशेषतः ऊर्जा सुरक्षा, व्यापार व गुंतवणूक, औषधनिर्मिती (फार्मास्युटिकल्स), आरोग्य सेवा, वाहतूक आणि नवीकरणीय ऊर्जा या क्षेत्रांतील सहकार्यावर भर देण्यात आला.
https://prahaar.in/2026/06/04/mumbai-cm-devendra-fadnavis-meets-ikea-india-ceo-patrik-antoni-discusses-expansion-plans-in-maharashtra/
व्हेनेझुएलाच्या कार्यवाहक राष्ट्राध्यक्ष डेल्सी रोड्रिग्ज बुधवारी भारत आणि व्हेनेझुएला यांच्यातील द्विपक्षीय संबंध अधिक दृढ करण्याच्या उद्देशाने पाच दिवसांच्या अधिकृत दौऱ्यावर नवी दिल्ली येथे दाखल झाल्या.त्यांच्या स्वागतासाठी परराष्ट्र मंत्रालयाने ‘एक्स’वर पोस्ट करत म्हटले की, या भेटीमुळे दोन्ही देशांना परस्पर सहकार्य मजबूत करण्याची आणि द्विपक्षीय भागीदारीला नवी गती देण्याची संधी मिळेल. पोस्टमध्ये म्हटले होते, “नवी दिल्लीत आगमन झालेल्या व्हेनेझुएलाच्या कार्यवाहक राष्ट्राध्यक्ष डेल्सी रोड्रिग्ज यांचे हार्दिक स्वागत. आपल्या दौऱ्यादरम्यान त्या पंतप्रधान नरेंद्र मोदी (PM Narendra Modi) यांच्यासोबत द्विपक्षीय चर्चा करतील. ही भेट भारत-व्हेनेझुएला संबंध अधिक दृढ करेल आणि द्विपक्षीय भागीदारीला नवी चालना देईल.”
https://prahaar.in/2026/06/04/watch-iafs-sukhoi-su-30mki-lands-at-navi-mumbai-international-airport-for-first-time-netizens-call-it-a-historic-moment/