Rajasthan Crime News : राजस्थानमधून मोठी बातमी समोर आली आहे. राज्यातील हनुमानगड जिल्ह्यात कबड्डीच्या खेळातून सुरू झालेला वाद थेट जीव घेण्यापर्यंत पोहोचला. भद्रा पोलीस ठाण्याच्या हद्दीतील कलाना गावात १७ वर्षीय कबड्डीपटू संदीप कुमार याच्यावर काही खेळांडूनी गोळीबार केला. या घटनेमुळे संपूर्ण परिसरात खळबळ उडाली आहे. या प्रकरणातील आरोपींना पोलिसांनी अटक केली आहे. त्यांना न्यायालयाने सर्व आरोपींना ३० मेपर्यंत पोलीस कोठडी सुनावली आहे. मात्र मुख्य आरोपी विशाल धनक आणि त्याचे काही साथीदार अद्याप फरार आहेत. पोलीस त्यांचा शोध घेत आहेत.
https://prahaar.in/2026/05/26/worlds-first-doping-friendly-competition-drugs-steroids-allowed-creates-excitement-in-the-sports-world/

पोलिसांच्या माहितीनुसार, मृत संदीप आणि मुख्य आरोपी विशाल धनक हे दोघेही कबड्डीचे खेळाडू होते. काही दिवसांपूर्वी खेळादरम्यान त्यांच्यात वाद झाला होता. गावकऱ्यांनी मध्यस्थी करून वाद मिटवण्याचा प्रयत्न केला होता, मात्र जुन्या रागातून विशाल आणि त्याच्या साथीदारांनी संदीपवर हल्ला केल्याचा आरोप आहे. जिल्हा पोलीस अधीक्षक नरेंद्र सिंह मीना यांनी दिलेल्या माहितीनुसार, २२ मे रोजी दुपारी ४ वाजता कलाना गावातील श्री श्याम मोबाईल दुकानावर गोळीबार झाल्याची माहिती मिळताच पोलीस तात्काळ घटनास्थळी दाखल झाले. त्यांनी परिसर सील करून एफएसएल आणि एमओबी पथकांच्या मदतीने पुरावे गोळा केले आणि सखोल तपास सुरू केला.
https://prahaar.in/2026/05/26/nashik-crime-plot-mafia-in-full-swing-in-nashik/

गोळीबारात २२ वर्षीय मनीष सिंग गंभीर जखमी झाला असून त्याच्यावर उपचार सुरू आहेत. घटनेनंतर मुख्य आरोपी विशाल धनकने हनुमंगरिया नावाच्या सोशल मीडिया अकाउंटवर पोस्ट करत हल्ल्याची जबाबदारी स्वीकारल्याची माहिती पोलिसांनी दिली. प्रकरणाचे गांभीर्य लक्षात घेऊन पोलिसांनी विशेष तपास पथक (SIT) स्थापन केले आहे. राजस्थानसह हरियाणा, दिल्ली, उत्तर प्रदेश आणि हिमाचल प्रदेशात छापेमारी करत पोलिसांनी प्रदीप, उत्तम, संजय, सुभाष, लालकृष्ण, रमजान, अनिल, सुरेंद्र आणि खेतराम या ९ आरोपींना अटक केली आहे. न्यायालयाने सर्व आरोपींना ३० मेपर्यंत पोलीस कोठडी सुनावली आहे.