– मुंबईतही ‘कुर्बानी’वरून भाजप आक्रमक

मीरा रोड : बकरी ईदच्या पार्श्वभूमीवर Mira Road आणि मुंबई परिसरातील वातावरण तापू लागले आहे. मिरा रोडमधील एका हाउसिंग सोसायटीत बकरे ठेवण्याच्या मुद्द्यावरून मोठा गदारोळ झाला असून या वादाचे रूपांतर हिंसाचारात झाले. या घटनेत एका तरुणावर ब्लेडने हल्ला करण्यात आल्याची धक्कादायक माहिती समोर आली आहे. दुसरीकडे, मुंबईतील सोसायट्यांमध्ये होणाऱ्या कथित बेकायदेशीर कुर्बानीच्या मुद्द्यावरून भाजपनेही आक्रमक भूमिका घेत प्रशासनाला पत्र लिहिले आहे. (Bakri Eid 2026 Mira Road)

https://prahaar.in/2026/05/26/after-bandra-now-a-crackdown-in-malad-goregaon-western-railway-bulldozer-drives-over-encroachments/

मिरा रोडच्या पूनम इस्टेटमध्ये मध्यरात्री गोंधळ :

मिरा रोड येथील Poonam Estate Cluster-1 Complex या हाउसिंग कॉम्प्लेक्समध्ये बकरी ईदसाठी जवळपास २५ बकरे आणण्यात आले होते. या बकऱ्यांसाठी सोसायटी परिसरात तात्पुरते शेड उभारण्यात आल्याने रहिवाशांमध्ये वाद निर्माण झाला. ईदपर्यंत बकरे ठेवण्यासाठी तात्पुरती परवानगी घेण्यात आल्याचे सांगण्यात आले असले, तरी सोसायटीतील काही रहिवाशांनी कोणतीही अधिकृत बैठक न घेता परवानगी देण्यात आल्याचा आरोप केला आहे. (Bakri Eid 2026 Mira Road)

या प्रकरणामुळे परिसरातील वातावरण चांगलेच तापले. स्थानिक रहिवासी, हिंदू संघटनांचे कार्यकर्ते आणि भाजपच्या पदाधिकाऱ्यांनी भाजपच्या स्थानिक नेत्यांसह काशिमीरा पोलीस स्टेशन (Kashimira Police Station) आणि महापालिकेकडे तक्रार दाखल केली. तक्रारीनंतर महापालिकेने संबंधित शेड हटवण्याची कारवाई केली. मात्र, बकरे अद्याप परिसरातच असल्याने रात्री उशिरापर्यंत तणाव कायम होता. (Bakri Eid 2026 Mira Road)

https://prahaar.in/2026/05/26/vidarbha-heat-wave-heat-wreaks-havoc-in-vidarbha-as-many-as-500-bats-die-brahmapuri-records-highest-temperature-in-the-country/

याच दरम्यान झालेल्या गोंधळात एका अज्ञात व्यक्तीने तरुणावर ब्लेडने हल्ला केल्याचा आरोप करण्यात आला आहे. या घटनेनंतर परिसरात मोठा पोलिस बंदोबस्त तैनात करण्यात आला असून पोलीस संपूर्ण परिस्थितीवर लक्ष ठेवून आहेत. या प्रकरणी गुन्हा दाखल करण्यात आला असून तपास सुरू आहे. (Bakri Eid 2026 Mira Road)

“कुर्बानीला परवानगी नाही” – सोसायटी पदाधिकाऱ्यांचे स्पष्टीकरण :

वाद वाढल्यानंतर सोसायटीच्या पदाधिकाऱ्यांनी स्पष्टीकरण देताना सांगितले की, सोसायटी परिसरात कुर्बानी करण्यास कोणतीही परवानगी देण्यात आलेली नाही. केवळ ईदपर्यंत बकरे ठेवण्यासाठी तात्पुरती व्यवस्था करण्यात आली होती, असे त्यांनी स्पष्ट केले. (Bakri Eid 2026 Mira Road)

मुंबईत भाजपचा आक्रमक पवित्रा :

मिरा रोडमधील घटनेचे पडसाद आता मुंबईतही उमटताना दिसत आहेत. मुंबईतील हाउसिंग सोसायट्यांमध्ये नियमबाह्य पद्धतीने कुर्बानी होऊ नये, यासाठी भाजपने प्रशासनावर दबाव वाढवण्यास सुरुवात केली आहे. (Bakri Eid 2026 Mira Road)

https://prahaar.in/2026/05/26/cng-price-hike-after-petrol-diesel-now-cng-is-also-expensive-price-hike-for-the-fourth-time-in-15-days-know-todays-prices/

भाजपच्या नेत्यांनी मुंबई महानगर पालिका आणि मुंबई पोलीस यांना पत्र पाठवत हाउसिंग कॉम्प्लेक्समध्ये कोणतीही बेकायदेशीर कुर्बानी होऊ नये, अशी मागणी केली आहे. या पत्रावर अनेक भाजप नेत्यांच्या स्वाक्षऱ्या असून माजी खासदार किरीट सोमय्या (Kirit Somaiya) यांनीही या भूमिकेला पाठिंबा दिला आहे. “सोसायटी परिसरात नियमांचे उल्लंघन होऊ नये आणि नागरिकांना त्रास होणार नाही, यासाठी प्रशासनाने कठोर पावले उचलावीत,” अशी मागणी त्यांनी केली.

बकरी ईद जवळ येत असताना या मुद्द्यावरून सामाजिक आणि राजकीय वातावरण अधिक तापण्याची शक्यता व्यक्त केली जात आहे.

 

View this post on Instagram

 

A post shared by Prahaar Newsline (@prahaarnewsline)