कर्जत : गेल्या काही दिवसांपासून राज्यातील अल्पवयीन मुलींवरील अत्याचाराच्या घटनेत सतत वाढ होताना दिसून येत आहे. अशातच आता कर्जत मधून एक धक्कादायक घटना समोर आली आहे. स्वतःच्या वडिलांकडून अल्पवयीन मुलीवर अत्याचार करण्यात आल्याची घटना कर्जतमध्ये घडल्याचे समोर आले आहे. मिळालेल्या माहितीनुसार, कर्जत पोलीस ठाणे हद्दीत मुद्रे खुर्द येथे अल्पवयीन मुलीवर अत्याचाराचा प्रयत्न केल्याप्रकरणी स्वतःच्या पित्याविरोधात गंभीर गुन्हा दाखल करण्यात आला आहे. या घटनेमुळे परिसरात संताप व्यक्त केला जात आहे.

https://prahaar.in/2026/05/19/neet-paper-leak-major-action-by-modern-college-professor-manisha-mandhare-finally-suspended/

पोलिसांनी दिलेल्या माहितीनुसार, आरोपी वडिलाने राहत्या घरी पीडित बालिकेचे कपडे काढून शारीरिक संबंध ठेवण्याचा प्रयत्न केला. १५ मे रोजी मध्यरात्री साडेबारा ते एक वाजण्याच्या सुमारास आरोपीने पुन्हा बालिकेचे कपडे काढून तिच्या तोंडावर हात ठेवला. दुखत असल्याने बालिका जोरात “मम्मी-मम्मी” अशी हाक मारू लागल्याने तिची आई जागी झाली. फिर्यादी महिलेने तत्काळ आरोपीला मारहाण करून बालिकेपासून दूर केले. त्यानंतर आरोपी तेथून पळून गेला. यापूर्वीही १३ मे रोजी रात्री आरोपीने बालिकेसोबत अशाच प्रकारचा प्रयत्न केल्याचे तक्रारीत नमूद करण्यात आले आहे.

https://prahaar.in/2026/05/19/petrol-diesel-price-hike-shock-to-the-common-man-again-petrol-diesel-prices-increase-for-the-second-time-in-four-days/

याप्रकरणी कर्जत पोलीस ठाण्यात २२२/२०२६ अन्वये बाल लैंगिक अत्याचार संरक्षण (POCSO) अधिनियम २०१२ चे कलम ४, ५(एन), ७ तसेच भारतीय न्याय संहिता २०२३ चे कलम ६४(२)(एफ), ६५(१) अंतर्गत प्रमाणे गुन्हा दाखल करण्यात आला असून अधिक तपास मसपोनि/मनीषा लटपटे ह्या करीत आहेत.

https://prahaar.in/2026/05/18/coordination-between-the-municipal-corporation-and-the-railway-administration-is-essential-to-make-mumbai-flood-free/