पंजाब : पंजाबचे उद्योगमंत्री संजीव अरोरा (Sanjeev Arora) पुन्हा एकदा अंमलबजावणी संचालनालयाच्या म्हणजेच ईडीच्या रडारवर आले आहेत. शनिवारी सकाळी ईडीच्या पथकांनी दिल्ली आणि चंदीगडमधील त्यांच्या विविध ठिकाणांवर एकाचवेळी छापेमारी केली. गेल्या महिन्यात तिसऱ्यांदा झालेल्या या कारवाईमुळे पंजाबच्या राजकारणात मोठी खळबळ उडाली आहे.

ईडीच्या अधिकाऱ्यांनी चंदीगडमधील मंत्री अरोरा यांचे अधिकृत निवासस्थान, कार्यालय तसेच हॅम्पटन स्काय रिअॅल्टी लिमिटेडशी संबंधित ठिकाणी तपास मोहीम राबवली. सकाळपासूनच अनेक वाहनांतून पोहोचलेल्या अधिकाऱ्यांनी संपूर्ण परिसराचा ताबा घेत कागदपत्रे आणि इलेक्ट्रॉनिक पुरावे तपासण्यास सुरुवात केली.

https://prahaar.in/2026/05/09/narendra-modi-meets-makhanlal-sarkar-in-suvendu-adhikari-oath-ceremony-who-is-makhanlal-sarkar/

याआधी १७ एप्रिल रोजीदेखील ईडीने परकीय चलन उल्लंघन प्रकरणात अरोरा यांच्याशी संबंधित विविध ठिकाणांवर धाडी टाकल्या होत्या. आता मोहालीतील खरड परिसरात कथित लायझन एजंट नितीन गोहल यांच्या निवासस्थानी झालेल्या कारवाईनंतर या तपासाला आणखी वेग आला आहे.

१०० कोटींच्या मनी लॉन्ड्रिंगचा संशय:

ईडीच्या प्राथमिक तपासानुसार, संजीव अरोरा यांच्या कंपनीमार्फत १०० कोटी रुपयांहून अधिक रकमेचे कथित मनी लॉन्ड्रिंग करण्यात आल्याचा संशय आहे. मोबाईल फोनच्या बनावट खरेदी-विक्री आणि निर्यातीच्या व्यवहारांद्वारे दुबईमार्गे पैसा भारतात परत आणल्याचा आरोप तपास यंत्रणांनी केला आहे. या प्रकाराला ‘राऊंड ट्रिपिंग’ असे म्हटले जाते.

https://prahaar.in/2026/05/09/tcs-case-is-love-jihad-and-drug-racket-says-minister-sanjay-shirsat/

तपास यंत्रणांच्या मते, दिल्लीतील अनेक बनावट कंपन्यांच्या नावावरून जीएसटी बिले तयार करण्यात आली. त्याद्वारे इनपुट टॅक्स क्रेडिट (ITC), जीएसटी रिफंड आणि ड्युटी ड्रॉबॅकचा गैरफायदा घेत सरकारी महसुलाला मोठा फटका देण्यात आल्याचा दावा करण्यात येत आहे.

सध्या ईडीची तपास मोहीम सुरू असून येत्या काही दिवसांत या प्रकरणात आणखी धक्कादायक खुलासे होण्याची शक्यता व्यक्त केली जात आहे.