– निदा खानला ११ मेपर्यंत पोलिस कोठडी

नाशिक : नाशिकमधील TCS कंपनीतील धर्मांतर आणि लैंगिक शोषण प्रकरणात अटक करण्यात आलेल्या निदा खान हिला न्यायालयाने ११ मेपर्यंत पोलिस कोठडी सुनावली आहे. या प्रकरणात नाशिक आणि छत्रपती संभाजी नगर पोलिसांनी संयुक्त कारवाई करत फरार असलेली आरोपी निदा खान हिला ताब्यात घेतले. त्यानंतर आज म्हणजेच शुक्रवार ८ मे रोजी नाशिक रोड न्यायालयात तिला हजर करण्यात आले. यावेळी सुनावणीदरम्यान सरकारी पक्षाने अनेक धक्कादायक दावे केले.

छत्रपती संभाजी नगर पोलिसांची मोठी कारवाई :

पीडितेचे वकील मिलिंद कुरकुटे आणि सरकारी वकील अजय मिसर यांनी न्यायालयात सांगितले की, निदा खानचा अटकपूर्व जामीन अर्ज २ मे रोजीच फेटाळण्यात आला होता. त्यानंतर आरोपी फरार होती. अखेर छत्रपती संभाजीनगरमधून तिला अटक करण्यात आली. छत्रपती संभाजी नगर पोलिसांनी ही मोठी कारवाई केली. निदा खानला सूर्यास्तानंतर अटक केल्यामुळे न्यायालयाची विशेष परवानगी घेऊन तिला नाशिकला आणण्यात आले.

https://prahaar.in/2026/05/08/nashik-tcs-case-what-happened-in-court-in-nida-khans-first-hearing-today/

पीडितेचे नाव बदलून ‘हनिया’ ठेवण्यात आल्याचा सरकारी वकीलांचा दावा :

सरकारी पक्षाने न्यायालयात दावा केला की, पीडितेवर धर्मांतरासाठी मानसिक दबाव टाकण्यात आला. तिला बुरखा देण्यात आला तसेच नमाज आणि हिजाबबाबत प्रशिक्षण दिले गेले. पीडितेचे नाव बदलून ‘हनिया’ ठेवण्यात आल्याचा आरोपही करण्यात आला असून, त्यासंदर्भातील काही कागदपत्रे तपास यंत्रणांच्या हाती लागल्याचे सांगण्यात आले.

आरोपीकडून पीडितेच्या घरी जाऊन धार्मिक गोष्टींबाबत दबाव :

तपासात पीडितेच्या मोबाईलमध्ये काही चिथावणीखोर रिल्स आणि लिंक आढळल्याचा दावा सरकारी पक्षाने केला. याशिवाय, आरोपीने पीडितेच्या घरी जाऊन धार्मिक गोष्टींबाबत दबाव टाकल्याचेही नमूद करण्यात आले. या संपूर्ण प्रकरणामागे आणखी काही लोक सहभागी आहेत का, याचाही तपास सुरू असल्याचे पोलिसांनी स्पष्ट केले.

https://prahaar.in/2026/05/08/nida-khan-is-sheltered-by-imtiaz-jalil-minister-sanjay-shirsat-attacks-imtiaz-jalil/

‘मतीन पटेल’ व्यक्तीकडून निदा खानला आश्रय ?

तपासादरम्यान मालेगावमधील काही लिंक समोर आल्याची माहितीही न्यायालयात देण्यात आली. तसेच मलेशियातील इम्रान नावाच्या व्यक्तीमार्फत नोकरीसाठी पाठवण्याचे नियोजन असल्याचा संशय व्यक्त करण्यात आला. आरोपीला छत्रपती संभाजीनगरमध्ये कोणी आश्रय दिला, याचाही तपास सुरू असून ‘मतीन पटेल’ हे नाव समोर आल्याचे सरकारी पक्षाने सांगितले.

 

View this post on Instagram

 

A post shared by Prahaar Newsline (@prahaarnewsline)

दरम्यान, निदा खानचे वकील राहुल कासलीवाल यांनी सरकारी पक्षाचे सर्व आरोप फेटाळून लावले. “बुरखा हा कुठेही सहज उपलब्ध होणारा पोशाख आहे. तसेच मोबाईलवर लिंक पाठवणे किंवा अॅप डाउनलोड करणे ही सामान्य बाब आहे,” असा युक्तिवाद त्यांनी केला.

https://prahaar.in/2026/05/08/big-development-in-nida-khan-case-police-raid-aimims-imtiaz-jaleels-house/

कासलीवाल यांनी न्यायालयात निदा खान गर्भवती असल्याचे सांगत पोलिस कोठडीचा कालावधी कमी ठेवण्याची मागणी केली. तसेच तिला वैद्यकीय उपचार आणि काळजी घेण्यासाठी तिच्या आईला भेटण्याची परवानगी द्यावी, अशी विनंती करण्यात आली. न्यायालयाने यावर हरकत नोंदवली नाही आणि दिवसातून दोन वेळा आईला भेटण्यास परवानगी दिली. याशिवाय मेडिकल असिस्टंट ठेवण्यालाही मंजुरी देण्यात आली.