ओडिशा : भारताने गुरुवारी (७ मे) सायंकाळी Odisha किनारपट्टीवरून आंतरखंडीय बॅलेस्टिक क्षेपणास्त्र (ICBM) चाचणी केल्याची जोरदार चर्चा सुरू झाली आहे. सोशल मीडियावर आणि काही संरक्षणविषयक सूत्रांकडून ही चाचणी भारताच्या अत्याधुनिक ‘अग्नी-6’ क्षेपणास्त्राची असू शकते, असा दावा केला जात आहे. मात्र याबाबत भारत सरकार किंवा संरक्षण मंत्रालयाकडून अद्याप अधिकृत दुजोरा देण्यात आलेला नाही.

सायंकाळच्या सुमारास ओडिशा, पश्चिम बंगाल तसेच बांगलादेश मधील काही भागांमध्ये आकाशात तेजस्वी प्रकाशरेषा आणि धुराचे दृश्य दिसल्याचे सांगितले जात आहे. याचे काही कथित व्हिडीओ आणि फोटो सोशल मीडियावर मोठ्या प्रमाणात व्हायरल झाले आहेत. या दृश्यांनंतर भारताने दीर्घ पल्ल्याच्या क्षेपणास्त्राची चाचणी केल्याच्या चर्चांना वेग आला आहे.

https://prahaar.in/2026/05/08/drdo-news-indias-big-leap-in-the-field-of-defense-successful-test-of-indigenous-tara-glide-weapon-system-in-odisha/

संरक्षण क्षेत्रातील तज्ज्ञांच्या मते, जर ही चाचणी खरोखरच ‘अग्नी-6’ची असेल, तर ती भारताच्या सामरिक क्षमतेसाठी मोठा टप्पा मानली जाईल. ‘अग्नी-6’ हे भारताचे अत्याधुनिक आणि अधिक मारक क्षमता असलेले आंतरखंडीय क्षेपणास्त्र मानले जाते. या क्षेपणास्त्राची मारक क्षमता हजारो किलोमीटरपर्यंत असल्याची चर्चा आहे.

दरम्यान, Defence Research and Development Organisation म्हणजेच डीआरडीओ किंवा भारतीय संरक्षण मंत्रालयाने कोणतीही अधिकृत माहिती जाहीर केलेली नाही. त्यामुळे या चाचणीबाबत अद्याप अधिकृत पुष्टी झालेली नाही.

 

View this post on Instagram

 

A post shared by Prahaar Newsline (@prahaarnewsline)

https://prahaar.in/2026/05/08/ravi-pandit-passes-away-renowned-pune-based-entrepreneur-ravi-pandit-passes-away-visionary-leadership-in-the-it-sector-lost/

सोशल मीडियावर मात्र या कथित चाचणीबाबत मोठ्या प्रमाणावर प्रतिक्रिया उमटत असून, “भारताची संरक्षण ताकद आणखी मजबूत झाली” अशा प्रतिक्रिया अनेकांनी व्यक्त केल्या आहेत. तर काहींनी अधिकृत माहिती येईपर्यंत संयम बाळगण्याचे आवाहन केले आहे.