मुंबई : मध्य रेल्वेच्या मुंबई प्रवासी आरक्षण प्रणाली (PRS) मध्ये PNR फाईल कॉम्प्रेशनच्या तांत्रिक देखभाल कामासाठी तात्पुरता शटडाऊन करण्यात येणार आहे. ही प्रणाली ९ मे २०२६ रोजी रात्री ११.४५ वाजल्यापासून ते १० मे २०२६ रोजी पहाटे १.१५ वाजेपर्यंत बंद राहणार आहे.

या कालावधीत रेल्वे प्रवाशांसाठी अनेक महत्त्वाच्या ऑनलाइन आणि ऑफलाइन सेवा उपलब्ध राहणार नाहीत. यामध्ये प्रवासी आरक्षण प्रणाली, तत्काळ आरक्षण, कोचिंग रिफंड, आरक्षण चार्ट प्रदर्शन, टच स्क्रीन सेवा तसेच IVRS प्रणाली यांचा समावेश आहे. याशिवाय ट्रेन फायरिंग, रिफंड काउंटर आणि कोचिंग रिफंड टर्मिनलसुद्धा बंद राहतील.

https://prahaar.in/2026/05/08/mega-block-on-central-railway-on-sunday-many-local-services-on-main-line-and-trans-harbour-affected/

रेल्वे प्रशासनाने स्पष्ट केले आहे की या काळात इंटरनेट बुकिंगद्वारे रेल्वे तिकीट आरक्षणही उपलब्ध राहणार नाही. त्यामुळे प्रवाशांना या वेळेत तिकीट बुकिंग किंवा बदल करता येणार नाही. दरम्यान, या बंद कालावधीत कोणत्याही प्रवाशाचा रिफंड थांबणार नाही. प्रचलित नियमांनुसार टीडीआर (TDR) प्रणालीद्वारे रिफंड प्रक्रिया सुरू राहणार असल्याचे प्रशासनाने सांगितले आहे.

https://prahaar.in/2026/05/08/drdo-news-indias-big-leap-in-the-field-of-defense-successful-test-of-indigenous-tara-glide-weapon-system-in-odisha/

रेल्वे अधिकाऱ्यांच्या मते, हे देखभाल काम प्रणालीची कार्यक्षमता वाढवण्यासाठी आणि डेटा व्यवस्थापन सुधारण्यासाठी अत्यंत आवश्यक आहे. प्रवाशांनी आणि रेल्वे वापरकर्त्यांनी या तात्पुरत्या असुविधेसाठी सहकार्य करावे, असे आवाहनही करण्यात आले आहे.