निदा खान प्रकरणात आता मोठी राजकीय आणि कायदेशीर घडामोड समोर आली आहे. एआयएमआयएमचे नेते आणि माजी खासदार इम्तियाज जलील (Imtiaz Jaleel) यांच्या निवासस्थानी पोलिसांनी धाड टाकल्याची माहिती समोर आली आहे. या कारवाईमुळे राजकीय वर्तुळात मोठी खळबळ उडाली असून प्रकरणाला नवे वळण मिळाले आहे.

मिळालेल्या माहितीनुसार, निदा खान प्रकरणाशी संबंधित काही महत्त्वाच्या बाबींची चौकशी करण्यासाठी पोलिसांचे पथक जलील यांच्या घरी पोहोचले. यावेळी काही कागदपत्रे आणि डिजिटल पुराव्यांची पडताळणी करण्यात आल्याचे सांगितले जात आहे. मात्र पोलिसांकडून अद्याप अधिकृत माहिती देण्यात आलेली नाही.

https://prahaar.in/2026/05/08/nashik-tcs-case-nida-khan-arrested/

दरम्यान, या घडामोडीनंतर राजकीय आरोप-प्रत्यारोपांना सुरुवात झाली आहे. विरोधकांनी या कारवाईवर प्रश्नचिन्ह उपस्थित केले असून, “ही चौकशी आहे की राजकीय दबाव?” असा सवाल उपस्थित केला जात आहे. तर दुसरीकडे, कायद्यापुढे सर्व समान असून चौकशी निष्पक्षपणे सुरू असल्याचे पोलिस सूत्रांकडून सांगितले जात आहे.

 

View this post on Instagram

 

A post shared by Prahaar Newsline (@prahaarnewsline)

या प्रकरणामुळे आगामी काळात आणखी काही मोठे खुलासे होण्याची शक्यता व्यक्त केली जात आहे. विशेषतः सोशल मीडिया पोस्ट, आर्थिक व्यवहार आणि काही संपर्कांबाबत तपास यंत्रणा अधिक माहिती गोळा करत असल्याची चर्चा आहे.