इराणकडून संयुक्त अरब अमिराती (यूएई)च्या फुजैराह तेल औद्योगिक क्षेत्रावर झालेल्या हल्ल्यात तीन भारतीय नागरिक जखमी झाले आहेत. या हल्ल्यांचा पंतप्रधान नरेंद्र मोदी आणि परराष्ट्र मंत्रालय (एमईए) यांनी तीव्र निषेध केला आहे. त्यांनी या हल्ल्यांना अस्वीकार्य ठरवले आहे. हा हल्ला अशा वेळी झाला आहे, जेव्हा अमेरिका आणि इराण यांच्यातील तणाव आधीपासूनच वाढलेला आहे.

काय म्हणाले पंतप्रधान नरेंद्र मोदी?

पंतप्रधान नरेंद्र मोदी यांनी एक्सवर पोस्ट करत म्हटले की, “संयुक्त अरब अमिरातीवर झालेल्या हल्ल्यांचा आम्ही तीव्र निषेध करतो, ज्यामध्ये तीन भारतीय नागरिक जखमी झाले आहेत. नागरिक आणि पायाभूत सुविधांना लक्ष्य करणे अस्वीकार्य आहे. भारत संयुक्त अरब अमिरातीसोबत पूर्णपणे एकजुटीने उभा आहे आणि संवाद व कूटनीतीच्या माध्यमातून सर्व प्रश्नांचे शांततापूर्ण समाधान करण्यासाठी आपला पाठिंबा पुन्हा व्यक्त करतो.”

https://prahaar.in/2026/05/05/iran-america-war-iran-claims-to-have-attacked-a-us-warship-in-the-strait-of-hormuz/

पंतप्रधानांनी पुढे सांगितले की, होर्मुज सामुद्रधुनीतून सुरक्षित आणि अखंड वाहतूक सुनिश्चित करणे हे प्रादेशिक शांतता, स्थैर्य आणि जागतिक ऊर्जा सुरक्षेसाठी अत्यंत महत्त्वाचे आहे.

Strongly condemn the attacks on the UAE that resulted in injuries to three Indian nationals. Targeting civilians and infrastructure is unacceptable.

India stands in firm solidarity with the UAE and reiterates its support for the peaceful resolution of all issues through…

— Narendra Modi (@narendramodi) May 5, 2026

परराष्ट्र मंत्रालयानेही या घटनेचा निषेध करत म्हटले आहे की, अशा प्रकारचे हल्ले आणि नागरिकांना होणारी हानी अस्वीकार्य आहे. मंत्रालयाचे प्रवक्ते रणधीर जयस्वाल यांनी सांगितले की, “अशा प्रकारचे हल्ले त्वरित थांबवले पाहिजेत.” भारत पश्चिम आशियात शांतता आणि स्थैर्य प्रस्थापित होण्यासाठी संवाद आणि कूटनीतीला पाठिंबा देत आहे.भारताने आंतरराष्ट्रीय कायद्याच्या चौकटीत होर्मुज सामुद्रधुनीतून व्यापार आणि वाहतूक कोणत्याही अडथळ्याशिवाय सुरू राहावी, अशीही अपील केली आहे. तसेच सर्व पक्षांनी शांतता राखावी आणि तोडगा काढण्यासाठी प्रयत्न करावेत, असेही भारताने म्हटले आहे.

https://prahaar.in/2026/05/05/iran-america-war-iran-claims-to-have-attacked-a-us-warship-in-the-strait-of-hormuz/

दरम्यान, यूएईच्या संरक्षण मंत्रालयाने सांगितले की, त्यांच्या हवाई संरक्षण प्रणालीने अनेक क्षेपणास्त्रे आणि ड्रोन रोखले. मात्र फुजैराह येथे झालेल्या एका ड्रोन हल्ल्यामुळे तेल सुविधेत आग लागली. या घटनेत तेथे काम करणारे तीन भारतीय जखमी झाले.दरम्यान, ब्रिटिश सैन्याने समुद्रात दोन जहाजांना आग लागल्याची माहिती दिली आहे. इराणने या हल्ल्याची थेट जबाबदारी स्वीकारलेली नाही. मात्र, त्यांचे परराष्ट्र मंत्री सैयद अब्बास अराघची यांनी अमेरिका आणि यूएईने परिस्थिती अधिक बिघडू नये, याची काळजी घ्यावी असे म्हटले आहे.

https://prahaar.in/2026/05/04/continuous-attacks-in-the-strait-of-hormuz-big-question-mark-on-global-security-will-it-affect-oil-supply/

इराणच्या एका लष्करी अधिकाऱ्यानेही सांगितले की, यूएई किंवा कोणत्याही तेल सुविधेवर हल्ला करण्याची त्यांची कोणतीही योजना नव्हती. त्यांनी आरोप केला की, अमेरिकेच्या लष्करी धोरणांमुळेच हा तणाव वाढत आहे.