पश्चिम आशियातील संघर्ष सध्या युद्धविरामामुळे काहीसा थांबलेला आहे. अमेरिका-इराण यांच्यातील पहिली शांतता चर्चा निष्फळ ठरल्यानंतर अमेरिकेचे राष्ट्राध्यक्ष डोनाल्ड ट्रम्प यांनी पर्शियन आखातात इराणची नाकेबंदी करण्याची घोषणा केली होती. आता अमेरिकेने इराणला आणखी एक मोठा धक्का देण्याची तयारी केली आहे.
https://prahaar.in/2026/04/15/bkc-metro-accident-accident-due-to-sudden-loss-of-balance-of-crane-while-installing-bhim-on-metro-pillar-traffic-on-kurla-western-express-highway-affected/
अमेरिकेच्या ट्रेझरी विभागाने म्हटले आहे, “आम्ही इराणवर जास्तीत जास्त दबाव कायम ठेवण्यासाठी आर्थिक कारवाई अधिक आक्रमकपणे पुढे नेत आहोत. वित्तीय संस्थांना सूचित करण्यात येत आहे की विभाग उपलब्ध असलेल्या सर्व साधनांचा वापर करत आहे. इराणच्या कारवायांना समर्थन देणाऱ्या परदेशी वित्तीय संस्थांवर दुय्यम निर्बंध लावण्यासाठी आम्ही तयार आहोत. समुद्रात अडकलेल्या इराणी तेलाच्या विक्रीला दिलेली अल्पकालीन परवानगी काही दिवसांत संपणार असून ती पुढे वाढवली जाणार नाही.”