ठाणे : ठाणे महानगरपालिकेकडे मागील वर्षीच्या तुलनेमध्ये ११० कोटींनी अधिकचा मालमत्ता कर वसुल झालेला आहे. आयुक्त अभिजीत बांगर यांनी ठाणेकरांना मालमत्ता कर भरण्याबाबत केलेल्या आवाहनाला ठाणेकरांनी उत्तम प्रतिसाद दिल्याने आयुक्तांनी करदात्यांचे आभार व्यक्त केले आहेत. अजूनही दोन महिने बाकी असून ज्या मालमत्ताधारकांनी अद्यापर्यत मालमत्ता कर भरलेला नाही त्यांनी तो त्वरीत भरुन करुन महापालिकेस सहकार्य करावे असेही त्यांनी नमूद केले आहे.
मालमत्ता कराचा भरणा वेळेवर व्हावा यासाठी आयुक्त अभिजीत बांगर यांनी वेळोवेळी बैठका घेवून संबंधित अधिकाऱ्यांना मार्गदर्शन केले होते व त्यानुसार योग्य नियोजन करण्याच्या सूचनाही दिल्या होत्या. नागरिकांना कर भरणे सुलभ व्हावे यासाठी शनिवार, रविवार व सुट्टीच्या दिवशी महापालिकेची सर्व प्रभाग कार्यालये सुरू ठेवण्यात आली होती. तसेच ऑनलाईन प्रणाली सुविधा देखील उपलब्ध करुन देण्यात आली होती. आयुक्त बांगर यांच्या आवाहनाला सकारात्मक प्रतिसाद देत ठाणेकरांनी मालमत्ता कर भरल्याने मागील वर्षीच्या तुलनेत जानेवारी २०२३ अखेरीस महापालिकेने ११० कोटीचा अधिकचा मालमत्ता कर वसुल केल्याची माहिती आयुक्तांनी दिली.
९० टक्के करवसुली धनादेश, डी.डी आणि ऑनलाईनपद्धतीने
नागरिकांना सुलभरित्या कर भरता यावा ठाणे महानगरपालिकेच्या https://propertytax.thanecity.gov.in/ या लिंकद्वारे तसेच गुगल पे, फोन पे, पेटीएम, आणि भीम अॅपद्वारे ऑनलाईन पध्दतीने करता येऊ शकते. या सुविधेला नागरिकांचा प्रचंड प्रतिसाद दिला असून घरबसल्या ऑनलाईन पध्दतीने तसेच धनादेश, डी.डी.च्या माध्यमातून ९० टक्के कर भरणा केला आहे. तर १० टक्के कर भरणा महापालिकेच्या प्रभागस्तरावरील संकलन केंद्राच्या माध्यमातून जमा झाला असल्याचे आयुक्त बांगर यांनी नमूद केले.
जलशुद्धीकरण केंद्राचा वीजपुरवठा खंडीत झाल्याचा परिणाम मुंबई : पांजरापूर जलशुद्धीकरण केंद्राला पडघा येथील १०० केव्ही…
भारत ही जगातील सर्वात मोठी लोकशाही असल्याचे मानले जाते आणि या लोकशाहीच्या उत्सवातील निवडणुकीतील तिसऱ्या…
महाराष्ट्रातील ११ जागांसह १२ राज्यांतील ९४ जागांवर उमेदवारांचे भवितव्य आज होणार ईव्हीएममध्ये बंद मुंबई :…
सेवाव्रती :शिबानी जोशी सांगलीच्या विवेकानंद वैद्यक प्रतिष्ठानची स्थापना आणि त्या नंतरच्या सुरुवातीच्या कामाची माहिती आपण गेल्या…
विशेष: डॉ. सुकृत खांडेकर रत्नागिरी- सिंधुदुर्ग लोकसभा मतदारसंघाकडे सर्व देशाचे लक्ष लागले असून, आज या…
MI vs SRH: मुंबई विरुद्धच्या सामन्यात हैदराबादकडून सलामीवीर ट्रेव्हिस हेड याने सर्वाधिक धावा केल्या. हेडने…