मुंबई: बराच वेळ एका जागी बसून काम करणारे तसेच धावपळीच्या जीवनशैलीदरम्यान लोक स्वत:ला फिट ठेवण्यासाठी योगा, एक्सरसाईज अथवा वॉक करणे पसंत करतात. दरम्यान, एका जागी बराच वेळ बसून काम करणे जितके नुकसानदायक असते तितकेच जास्त प्रमाणापेक्षा जास्त व्यायाम करणेही धोकादायक आहे.
प्रमाणापेक्षा जास्त व्यायाम केल्यास जास्त वजन कमी होऊ लागते. यामुळे अनेक आरोग्याचे प्रॉब्लेम्स निर्माण होतात.
जास्त व्यायाम केल्यास चिडचिडेपणा, तणाव, डिप्रेशनचा त्रास होऊ शकतो. अशा स्थितीत जर त्या व्यक्तीला एक्सरसाईज करण्यासाठी वेळ मिळाला नाही तर त्या व्यक्तीची चिडचिड होते.
अधिक व्यायाम केल्यास दुखापत होण्याची भीती असते. यामुळे मसल्स तसेच पेशींनाही नुकसान पोहोचू शकते. यामुळे मांसपेशी ताणल्या जाऊ शकतात.
अनेकदा बॉडी बनवण्याच्या चक्करमध्ये काहीजण स्टेरॉईड घेतात. यामुळे शरीरात अधिक नुकसान होते. ब्लड प्रेशर तसेच हृदयाचे आजार सतावतात.
आपल्या शरीराच्या क्षमतेच्या हिशोबाने व्यायाम करावा नाहीतर स्नायूंना दुखापत होऊ शकते.