मुंबई: वांगी… बाजारात आढळणारी सामान्य भाजी. या भाजीमुळे मेंदूची शक्ती वाढते. तसेच वांग्यामुळे शुगर आणि वजन कमी करण्यातही मदत मिळते.
वांगी ही अशी भाजी आहे जी फार कमी लोक खाणे पसंत करतात. मात्र वांग्यामध्ये आरोग्यासाठी लाभदायक असे गुण आहेत. आरोग्यासोबतच वांगे हे मेंदूच्या आरोग्यासाठीही अतिशय लाभदायक आहे. वांग्याचे फायदे वाचल्यानंतर तुम्ही नेहमीच वांगे खाणे पसंत कराल.
मेमरीसाठी वांगे अतिशय लाभदायक आहे. यामुळे मेंदू तल्लख होतो. तज्ञांच्या मते वांग्यामध्ये आढळणार एंथोसायनिन आणि नासुनिन हे एन्झाईम मेंदूच्या पेशींना मदत करतात. सोबतच मेंदूच्या पेशींना डिटॉक्स करण्यासोबत वांग्याच्या मदतीने मेंदूमध्ये रक्तपुरवठा व्यवस्थित होते. यामुळे मेमरी पॉवर वाढते आणि मेंदूचे आजार दूर होतात. वांग्यामध्ये आढळणारे फायटोन्यूट्रिएंट एन्झाईम मेंदू मजबूत करण्यास मदत करतो. तसेच मेंदूची कार्यक्षमताही वाढवतो.
वांगे हे मेंदूच्या विकासासोबत हाडांच्या विकासासाठीही फायदेशीर आहे. वांग्यामध्ये आढळणारे फेनोलिक नावाचे एन्झाईम हाडांची घनता वाढवते आणि यामुळे हाडे मजबूत होतात. वांग्याच्या सेवनाने डोळ्यांचे आरोग्यही चांगले राहते.
वांग्याचे सेवन केल्याने हृदयाचे आरोग्य चांगले राहते. यातील बायोफ्लॅवेनॉईड्स रक्तदाब नियंत्रित करण्यास मदत करते. यामुळे हार्ट अॅटॅकचा धोका कमी होतो. यातील क्लोरोजेनिक एन्झाईम खराब कोलेस्ट्रॉल कमी करण्यास मदत करते. यामुळे हृदय निरोगी राहते.