राजस्थानच्या जर्सीवर संस्कृतीचे प्रतिबिंब

जयपूर (वृत्तसंस्था) : आयपीएलच्या आगामी हंगामाचा काऊंटडाऊन सुरू झाला असून संघांच्या जर्सी समोर येत आहेत. कर्णधार संजू सॅमसनच्या नेतृत्वाखाली खेळणाऱ्या राजस्थान रॉयल्सने १६व्या हंगामाकरिता आपली नवी जर्सी समोर आणली आहे.

आयपीएलच्या आगामी हंगामाला ३१ मार्चपासून सुरुवात होणार आहे. त्यामुळे सर्वच संघ तयारीला लागले आहेत. संघातील खेळाडूंमध्ये ताळमेळ बसविण्यासाठी प्रशिक्षक कामाला लागले आहेत. संघातील खेळाडूंचा सरावही जोरदार सुरू आहे. तर दुसरीकडे संघांच्या जर्सीही समोर येत आहेत. काही दिवसांपूर्वी मुंबई इंडियन्सने नवी-कोरी जर्सी समोर आणली. गतवर्षीच्या रंगात यंदाही साधर्म्य असले तरी आकर्षक डिझाईनमुळे ही जर्सी उठून दिसते. राजस्थानची ओळख असलेल्या संस्कृतीचे प्रतिबिंब या जर्सीवर उमटत आहे. राजस्थानच्या पेजने याबाबत खास पोस्ट केली आहे.