वॉशिंगटन : अमेरिकेचे राष्ट्राध्यक्ष डोनाल्ड ट्रम्प यांनी ट्रान्सजेंडर सैनिकांबाबत एक मोठे पाऊल उचलले आहे. यासंबंधी पेंटागॉनने एक निवेदन प्रसिद्ध केले आहे.त्यामध्ये त्यांनी, कोणत्याही आधारावर सूट न मिळाल्यास अमेरिका ३० दिवसांच्या आत ट्रान्सजेंडर सैन्यातून काढून टाकण्यास सुरुवात करण्यात येणार आहे, असे म्हटले गेले आहे. मीडिया रिपोर्टनुसार , पेंटागॉनला ३० दिवसांच्या आत ट्रान्सजेंडर सैनिकांची ओळख पाठवावी लागेल. तसेच पुढील ३० दिवसांच्या आत त्यांना सेवेतून वेगळे करण्याचे निर्देश देण्यात आले आहेत.
शिवशाही बसमध्ये बलात्कार केल्याचा आरोप असलेल्या दत्तात्रय गाडेची कुंडली उघड
या निर्णयामुळे ट्रान्सजेंडर व्यक्तींना सैन्यात सामील होण्यास किंवा सेवा सुरू ठेवण्यास प्रभावीपणे बंदी घालण्यात आली आहे. गेल्या महिन्यात राष्ट्राध्यक्ष डोनाल्ड ट्रम्प यांनी ट्रान्सजेंडर सैन्याच्या सेवेवर प्रश्नचिन्ह उपस्थित केल्यानंतर हा निर्णय घेण्यात आला आहे. “लष्करी सदस्यांची तयारी, प्राणघातकता, एकता, प्रामाणिकपणा, नम्रता, सचोटी आणि पराक्रम यासाठी उच्च मानके निश्चित करणे हे अमेरिकन सरकारचे धोरण आहे,” असे २६ फेब्रुवारी रोजी पेंटागॉनने जारी केलेल्या निवेदनात म्हटले आहे. संरक्षण विभागाच्या आकडेवारीनुसार, सैन्यात सुमारे १.३ दशलक्ष सक्रिय कर्मचारी आहेत. जरी ट्रान्सजेंडर हक्क संघटनांचा अंदाज आहे की सुमारे १५,००० ट्रान्सजेंडर सेवा सदस्य सध्या सक्रिय कर्तव्यावर आहेत, परंतु अधिकृत आकडेवारी कमी आहे.
यापूर्वी, अमेरिकन सैन्याने बायडेन प्रशासनाने लागू केलेल्या धोरणांना उलट करत सैन्यात ट्रान्सजेंडर व्यक्तींच्या भरतीवर बंदी घातली होती. या काळात, सर्व लिंग-पुष्टी करणारी वैद्यकीय सेवा बंद करण्याचा निर्णय घेण्यात आला. या काळात, सैन्याने आपल्या निवेदनात म्हटले आहे की यापुढे ट्रान्सजेंडर व्यक्तींना सैन्यात भरती केले जाणार नाही आणि विद्यमान सेवा सदस्यांसाठी लिंग संक्रमणाशी संबंधित सर्व वैद्यकीय प्रक्रिया बंद केल्या जातील.या निर्णयामुळे बायडेन प्रशासनाने लागू केलेल्या धोरणांना समाप्ती मिळाली आहे.