मुंबई: डाळिंब हे आरोग्यासाठी अतिशय फायदेशीर असते. दररोज एक डाळिंब खाल्ल्याने बरेच फायदे होतात. मात्र फार कमी लोक हे जाणतात की डाळिंबाच्या वापराने तुम्ही तुमचा चेहराही चमकदार करू शकता.
डाळिंबामध्ये अँटीऑक्सिडंट असतात जे त्वचेला सुंदर बनवण्यास मदत करतात. डाळिंबामध्ये पाण्याचे प्रमाण अधिक असल्याने त्वचा हायड्रेट राहण्यास मदत होते. सोबतच सुरकुत्या कमी होण्यासही मदत होते.
यातील अँटी इन्फ्लामेंटरी आणि अँटीबॅक्टेरियल गुण डाग, पिपल्स कमी कऱण्यास मदत करतात. डाळिंबामध्ये व्हिटामिन सी असते जे त्वचेला पोषण देते. तसेच चमकदार बनवते. डाळिंबाचा वापर तुम्ही अनेक पद्धतीने करू शकता.
तुम्ही घरच्या घरीही डाळिंबाचा फेसपॅक बनवू शकता. यासाठी डाळिंबाचे दाणे वाटून पेस्ट बनवावी लागेल. ही पेस्ट चेहऱ्यावर लावा. त्यानंतर २० मिनिटांनी चेहरा धुवा. तुम्ही दररोज डाळिंबाचा ज्यूसही पिऊ शकता.
याशिवाय डाळिंबाच्या बियांपासून निघालेले तेल त्वचेला मॉश्चराईज करण्यास मदत करते. तुम्ही रात्री झोपण्याआधी हे चेहऱ्यावर लावू शकता.
तुम्ही डाळिंबाचा रस मिसळून मास्कच्या रूपात लावा आणि २० मिनिटे सुकू द्या. त्यानंतर थंड पाण्याने धुवून घ्या. दरम्यान डाळिंबाचा वापर करण्याआधी पॅच टेस्ट जरू करा. काही लोकांना यामुळे अॅलर्जी होऊ शकते. जर हे लावल्यानंतर काही त्रास झाला तर डॉक्टरांचा सल्ला जरूर घ्या.