माथेरान (वार्ताहर) :माथेरानच्या नगराध्यक्षा प्रेरणा प्रसाद सावंत यांच्या प्रयत्नांतून वैशिष्ट्यपूर्ण कामांसाठी ५ कोटी रुपयांचा निधी माथेरान नगरपरिषदेसाठी मंजूर करण्यात आला आहे. हा पाच कोटी रुपयांचा निधी महत्त्वपूर्ण कामासाठी खर्च करण्यात येणार आहे. पाच कोटी रुपयांमधून दोन कोटी रुपये माथेरान हद्दीतील मॅलेट स्प्रिंग मिनरल वॉटर प्रकल्प करणे या कामासाठी खर्च करण्यात येणार असून या मॅलेट स्प्रिंगमधील नैसर्गिकरित्या वाहणाऱ्या पाण्याचा सदुपयोग होणार असून येथूनच पाण्याच्या प्लास्टिक बाटल्या भरून त्याची विक्री नगरपरिषदेच्या माध्यमातून केली जाणार आहे. त्यामुळे साहजिकच नगरपरिषदेच्या उत्पन्नात प्रमाणात वाढ होऊ शकते.
तसेच, एक कोटी रुपये माथेरान हद्दीतील हिंदू स्मशानभूमी विकसित आणि अद्ययावत करणे यासाठी खर्च करण्यात येणार आहे. यामध्ये या स्मशानभूमीत अंत्यसंस्कार वेळेस डिझेल दाहिनीत मृताचे कार्य केले जाते. त्यासाठी अद्ययावत जनरेटर सोय केली जाणार आहे. त्याचप्रमाणे येथील प्रवेशद्वार, बसण्यासाठी बाकडे, लाईट, गार्डन बनवण्यासाठी नगरपरिषदेचा मानस आहे. माथेरान हद्दीतील सामाजिक सभागृह/समाज मंदिर विकसित करणे यासाठी एक कोटी रुपयांचा खर्च अपेक्षित आहे.
तसेच, माथेरान नगरपरिषदेचे कार्यालय खूपच जुने असून त्याठिकाणी जागा अपुरी पडते याकामी कम्युनिटी सेंटर या गावाच्या मध्यवर्ती भागात नगरपरिषदेचे कार्यालय खुले केल्यास तिथे नगराध्यक्ष केबिन तसेच अन्य लोकप्रतिनिधी, कर्मचारी यांना स्वतंत्र ऑफिस बनवण्यासाठी एक कोटी रुपयांची तरतूद केली जाणार आहे.
आणखी ५ कोटींचा निधी मिळणार
आणखीन पाच कोटी रुपयांचा निधी लवकरच प्राप्त होणार असून यातूनच गावातील एकूण सात नैसर्गिक जलस्त्रोत पुनर्जीवित करण्यासाठी खर्च केला जाणार आहे. यामध्ये पेमास्टर विहीर व अन्य स्त्रोतांचे सुधारीकरण आणि पाण्याचा साठा करून ऐन पाणीटंचाईच्या वेळेस नागरिकांना तसेच पर्यटकांना यांचा फायदा होऊ शकतो.
देशामध्ये लोकसभेच्या सार्वत्रिक निवडणुकांचे दोन टप्पे पार पडले असून येत्या ७ मे रोजी निवडणुकीच्या तिसऱ्या…
माझे कोकण: संतोष वायंगणकर देशभरात लोकसभा निवडणुकीचे वातावरण आहे. निवडणूक प्रचार प्रत्येक पक्ष आपापल्या पद्धतीने…
मुंबई ग्राहक पंचायत: अभय दातार अर्जदाराला दिलेल्या कर्जापोटी त्याच्याकडून घेतलेली त्याच्या घराची मूळ कागदपत्रे नीट…
SRH vs RR: सनराजयर्स हैदराबादने राजस्थान रॉयल्स विरुद्ध टॉस जिंकून बॅटिंग करण्याचा निर्णय घेतला आहे.…
काँग्रेसने ६५ वर्षात ८० वेळा घटना बदलली त्याचे काय? - नारायण राणे यांचा सवाल लांजा…
मुंबई: भारतात ऑनलाईन पेमेंटची(online payments) क्रेझ वेगाने वाढत आहे. युनिफाईड पेमेंट्स इंटरफेस म्हणजेच यूपीआय आल्यानंतर…