मुंबई : रक्षाबंधन हा भाऊ-बहिणीच्या प्रेमाचा आणि आपुलकीचा सण आहे. या दिवशी बहीण भावाच्या मनगटावर राखी बांधते, तर भाऊ बहिणीला भेटवस्तू देऊन तिच्या आनंदात भर घालतो. मात्र, भारतीय परंपरा आणि काही धार्मिक मान्यतांनुसार रक्षाबंधनाच्या दिवशी काही वस्तू भेट म्हणून देणे टाळले जाते. या वस्तूंना अशुभ मानले जाते.
बूट किंवा पट्टे : वास्तुशास्त्र आणि ज्योतिषशास्त्रानुसार, चामड्याचे बूट किंवा पट्टे भेट म्हणून देणे चांगले मानले जात नाही. असे मानले जाते की यामुळे नात्यात दुरावा निर्माण होऊ शकतो.
घड्याळ : वास्तुशास्त्रानुसार, घड्याळ हे वेळ आणि भाग्याचे प्रतीक मानले जाते. ते भेट म्हणून दिल्याने वेळ आणि ऊर्जा कमी होते.
रुमाल : वास्तुशास्त्रानुसार, रुमाल हे अश्रू आणि दुःखाचे प्रतीक मानले जाते. असे मानले जाते की यामुळे नात्यांमध्ये दुःख आणि अश्रू येतात.
परफ्यूम : सुगंधित वस्तू भेट दिल्याने आर्थिक अडचणी किंवा विभक्त होण्याची शक्यता असते. काही काळानंतर परफ्यूमचा सुगंध कमी होतो, जे नात्यातील दुरावा किंवा कटुतेचे प्रतीक मानले जाते.
काचेची भांडी : काचेच्या वस्तू नात्यातील दुरावा दर्शवतात. त्यामुळे, रक्षाबंधनला बहिणीला भेटवस्तू देताना काचेच्या वस्तू देणे टाळावे.
तीक्ष्ण वस्तू : चाकू, कात्री किंवा कोणत्याही धारदार वस्तू भेट म्हणून देऊ नयेत. त्या नात्यातील तणाव किंवा दुराव्याचे प्रतीक मानल्या जातात.
रिकामी पर्स : पैशांशिवाय पर्स भेट देऊ नये. रिकामी पर्स म्हणजे रिकामे खिसे, असे मानले जाते. जर तुम्ही पर्स देत असाल, तर एक संकेत म्हणून त्यात थोडे पैसे नक्की ठेवा.
काळ्या गोष्टी : काळे कपडे किंवा काळ्या रंगाच्या वस्तू भेट म्हणून देणे शुभ मानले जात नाही. वास्तुशास्त्र आणि ज्योतिषशास्त्रानुसार, काळ्या रंगाच्या वस्तू नकारात्मक ऊर्जा आकर्षित करतात असे मानले जाते. यामुळे नात्यांमध्ये कटुता निर्माण होऊ शकते.
मग बहिणीला काय गिफ्ट द्यावे?
रक्षाबंधनाच्या दिवशी बहिणीला तिच्या आवडीनुसार कपडे, दागिने, पुस्तके, चॉकलेट्स, परफ्युम, मेकअप किट, हँडबॅग किंवा एखादे खास गिफ्ट व्हाउचर देता येऊ शकते. भेटवस्तूची किंमत महत्त्वाची नसून त्यामागची भावना महत्त्वाची असते.
वरील गोष्टी या प्रामुख्याने पारंपरिक आणि धार्मिक लोकमान्यतांवर आधारित आहेत. त्यांना वैज्ञानिक पुरावा असल्याचे आवश्यक नाही. त्यामुळे गिफ्ट निवडताना बहिणीची आवड आणि तुमच्यातील प्रेम यांना सर्वाधिक महत्त्व द्या.