मुंबई : संगीतकार आणि गायक अमाल मलिकने सध्यापुरता चित्रपटांसाठी नवीन संगीत देण्यापासून दूर राहण्याचा निर्णय जाहीर केला आहे. गुरुवारी ‘एक्स’वर भावनिक पोस्ट शेअर करत अमालने आपल्या मानसिक, शारीरिक आणि सर्वांगीण आरोग्यावर लक्ष केंद्रित करण्यासाठी काही काळ विश्रांती घेणार असल्याचे सांगितले. (Amaal Mallik)
अमालने चाहत्यांना आपण पूर्णपणे ठीक असल्याचे सांगत, सध्या स्वतःसाठी योग्य असलेल्या गोष्टींवर लक्ष केंद्रित करण्याची गरज असल्याचे म्हटले. “माझ्या मन, शरीर, आत्मा आणि सर्वांगीण आरोग्यासाठी मला थोडी विश्रांती हवी आहे,” असे त्याने पोस्टमध्ये नमूद केले. अमालने पुढील वर्षापर्यंत चित्रपटांसाठी नवीन गाणी संगीतबद्ध न करण्याचा निर्णय घेतला आहे. मात्र, यापूर्वीच संगीतबद्ध केलेली काही गाणी संबंधित चित्रपट प्रदर्शित झाल्यास प्रेक्षकांच्या भेटीला येऊ शकतात. यातील काही चित्रपट कमी बजेटचे असून, त्यांच्या प्रदर्शनाबाबत अद्याप निश्चितता नसल्याचेही त्याने स्पष्ट केले. (Amaal Mallik)
मुंबई : कन्नड सुपरस्टार यशचा बहुप्रतिक्षित चित्रपट 'टॉक्सिक : ए फेयरीटेल फॉर ग्रोन-अप्स' ने रिलीज झाल्यानंतर बॉक्स ऑफिसवर चांगली सुरुवात केली आहे. गीतू ...
नुकतेच अमालचे ‘ये अवारपन’ हे गाणे इम्रान हाश्मीच्या ‘अवारपन २’मध्ये वापरण्यात आले होते. आपल्या संगीतप्रवासाचा उल्लेख करत अमालने चाहत्यांना लवकरच नव्या उर्जेसह आणि मनापासून संगीत घेऊन परतण्याचे आश्वासन दिले.
दरम्यान, चाहत्यांनी त्याच्या निर्णयाचे स्वागत करत सोशल मीडियावर पाठिंबा दर्शवला आहे. “मला थोडा वेळ एकटं राहू द्या. माहिती मिळताच तुम्हाला कळवीन,” अशी विनंतीही अमालने चाहत्यांना केली. (Amaal Mallik)
अमालने आपल्या पोस्टच्या शेवटी हा कायमचा निरोप नसल्याचे स्पष्ट करत, “आता माझा निरोप घ्या, मी परत येईन,” असे म्हटले. त्यामुळे चित्रपट संगीतापासून हा विराम तात्पुरता असून, भविष्यात अमाल पुन्हा संगीतविश्वात सक्रिय होण्याची शक्यता आहे.
