FDA Raid On KFC and Dominos : KFCमध्ये सडलेलं चिकन, Domino’sवरही कारवाई; ग्राहकांच्या आरोग्याशी खेळ करणाऱ्यांना FDA चा दणका

FDA Raid On KFC and Dominos : महागड्या दरात खाद्यपदार्थ विकणाऱ्या मोठ्या फूड ब्रँड्सच्या अन्नगुणवत्तेवर पुन्हा एकदा प्रश्नचिन्ह निर्माण झाले आहे. देशभरात अन्न सुरक्षा विभागाकडून तपासण्या आणि कारवाया सुरू असताना आता KFC आणि Domino’s सारख्या लोकप्रिय ब्रँड्सवरही कारवाई करण्यात आली आहे. कर्नाटकातील मंगळुरूमध्ये KFCच्या एका आउटलेटमध्ये तपासणीदरम्यान सडलेले आणि दुर्गंधीयुक्त चिकन आढळल्याने संबंधित आउटलेट बंद करण्यात आले आहे. तर मुंबईतील Domino’sच्या चार आउटलेट्सचे परवाने रद्द करण्यात आल्याची माहिती समोर आली आहे. (FDA Raid On KFC and Dominos)

ग्राहकाच्या तक्रारीनंतर KFCवर छापा :

मंगळुरूतील सिटी सेंटर मॉल, केएस राव रोड येथील KFC आउटलेटविरोधात खराब अन्नाबाबत तक्रार प्राप्त झाल्यानंतर अन्न व औषध प्रशासनाच्या (FDA) अधिकाऱ्यांनी अचानक तपासणी केली. तपासणीदरम्यान अधिकाऱ्यांनी आउटलेटचे किचन, स्टोअर रूम, कोल्ड स्टोरेज, डीप फ्रीजर आणि फ्राइड चिकनचा साठा तपासला. यावेळी साठवणूक आणि अन्नाच्या गुणवत्तेशी संबंधित अनेक त्रुटी आढळल्याचे सांगण्यात आले. (FDA Raid On KFC and Dominos)

सडलेले आणि दुर्गंधीयुक्त चिकन आढळले :

FDAच्या पथकाला आउटलेटच्या स्टोरेजमध्ये खराब झालेला आणि दुर्गंधीयुक्त मांससाठा आढळला. अधिकाऱ्यांनी संबंधित नमुने तपासणीसाठी प्रयोगशाळेत पाठवले आहेत. तपासणी अहवाल आल्यानंतर KFCविरोधात पुढील कठोर कारवाई केली जाऊ शकते. दरम्यान, ग्राहकांना अन्नपदार्थ विकताना स्वच्छता, योग्य तापमानात साठवणूक आणि अन्नाची गुणवत्ता यांचे पालन करणे बंधनकारक आहे. त्यामुळे तपासणीत आढळलेल्या त्रुटींचे गांभीर्य लक्षात घेऊन प्रशासनाने आउटलेट बंद करण्याची कारवाई केली आहे. (FDA Raid On KFC and Dominos)

मुंबईतील Domino’sच्या चार आउटलेट्सवरही कारवाई :

याआधी मुंबईतील Domino’sच्या चार आउटलेट्सवरही अन्न सुरक्षा विभागाने कारवाई केली होती. तपासणीदरम्यान स्वच्छता आणि हायजीनशी संबंधित गंभीर त्रुटी आढळल्यानंतर या चार आउटलेट्सचे परवाने रद्द करण्यात आल्याची माहिती आहे. यामुळे मोठ्या ब्रँडच्या नावावर ग्राहकांकडून जास्त पैसे घेतले जात असले तरी अन्नाची गुणवत्ता आणि स्वच्छतेबाबत कोणतीही तडजोड चालणार नाही, असा संदेश प्रशासनाच्या कारवाईतून मिळत आहे. (FDA Raid On KFC and Dominos)

थ्री स्टार आणि फाइव्ह स्टार हॉटेल्सही FDAच्या रडारवर :

अन्न सुरक्षा विभागाची कारवाई केवळ फास्ट फूड आउटलेट्सपुरती मर्यादित राहिलेली नाही. थ्री स्टार आणि फाइव्ह स्टार हॉटेल्समध्येही तपासण्या वाढवण्यात आल्या आहेत. मैसूरमधील एका हॉटेलच्या तपासणीत सुमारे 9 किलो एक्सपायर्ड चिकन आढळल्याची माहिती समोर आली आहे. त्यामुळे मोठ्या हॉटेल्समध्येही अन्नसाठवणूक आणि एक्सपायरी डेटबाबत नियमांचे पालन केले जात आहे का, याची तपासणी केली जात आहे. (FDA Raid On KFC and Dominos)

Quick Commerce कंपन्यांवरही कारवाई :

अन्न सुरक्षा विभागाच्या रडारवर आता क्विक कॉमर्स कंपन्यांची स्टोअर्सही आली आहेत. Zepto आणि Blinkit सारख्या प्लॅटफॉर्मशी संबंधित स्टोअर्समध्ये करण्यात आलेल्या तपासण्यांमध्ये स्वच्छता, अन्नपदार्थांचे लेबलिंग, एक्सपायर्ड उत्पादनांचा साठा आणि इतर नियमभंगाच्या तक्रारी समोर आल्या आहेत. काही ठिकाणी बनावट सॉस, कालबाह्य उत्पादने तसेच स्टोअरमध्ये कीटक आणि अस्वच्छता आढळल्याचे सांगण्यात आले आहे. अशाच एका कारवाईत Zeptoचे एक स्टोअर सील करण्यात आल्याची माहिती आहे. (FDA Raid On KFC and Dominos)

ग्राहकांच्या आरोग्याशी तडजोड नको :

KFC, Domino’sपासून मोठ्या हॉटेल्स आणि क्विक कॉमर्स स्टोअर्सपर्यंत अन्न सुरक्षा विभागाच्या वाढत्या कारवायांमुळे खाद्यपदार्थांच्या गुणवत्तेचा मुद्दा पुन्हा ऐरणीवर आला आहे. ग्राहकांनीही खाद्यपदार्थ खरेदी करताना वास, रंग, पॅकेजिंग, एक्सपायरी डेट आणि साठवणुकीची स्थिती याकडे लक्ष देणे गरजेचे आहे. खराब किंवा संशयास्पद अन्नपदार्थ आढळल्यास संबंधित अन्न सुरक्षा विभागाकडे तक्रार करणे महत्त्वाचे ठरते. (FDA Raid On KFC and Dominos)