Nashik : भारत निवडणूक आयोगाच्या विशेष सखोल पुनरीक्षण (Special Intensive Revision – SIR) मोहिमेंतर्गत मतदार यादीतील नोंदी अद्ययावत करण्याची प्रक्रिया सुरू आहे. या प्रक्रियेत मतदारांनी एन्युमरेशन फॉर्म (E.F.) भरून सादर करणे आवश्यक असून, त्यासाठी १७ ऑगस्ट २०२६ ही अंतिम मुदत देण्यात आली आहे.
मतदारांनी सर्वप्रथम electoralsearch.eci.gov.in (https://electoralsearch.eci.gov.in/) या संकेतस्थळावर जाऊन आपल्या EPIC क्रमांकाद्वारे मतदार यादीतील नाव तसेच संबंधित BLOची माहिती तपासावी. त्यानंतर आवश्यक कागदपत्रांसह एन्युमरेशन फॉर्म ऑनलाइन किंवा संबंधित BLOमार्फत ऑफलाइन पद्धतीने भरता येणार आहे. तसेच ECINET अॅपच्या माध्यमातूनही फॉर्म भरण्याची सुविधा उपलब्ध आहे.
Nashik : नाशिकमध्ये एक संतापजनक घटना अमोर आली आहे. माणसाच्या रूपात कसा रानटी प्राणी असू शकतो याचा प्रत्यय जिल्ह्यातील देवळा (Deola) तालुक्यातील या घटनेमुळे ...
SIR प्रक्रियेदरम्यान BLO मतदारांच्या घरी भेट देऊ शकतात. त्यामुळे मतदारांनी BLOला आवश्यक सहकार्य करून आपली प्रक्रिया वेळेत पूर्ण करावी, असे आवाहन करण्यात आले आहे. फॉर्म वेळेत न भरल्यास मतदार यादीतील नावाबाबत अडचण निर्माण होण्याची शक्यता असल्याने नागरिकांनी शेवटच्या दिवसाची वाट न पाहता प्रक्रिया पूर्ण करण्याचे आवाहन प्रशासनाकडून करण्यात आले आहे.
SIR संदर्भातील मदतीसाठी 0253-2310523 या हेल्पलाईन क्रमांकावर संपर्क साधता येणार आहे. लोकशाही बळकट करण्यासाठी प्रत्येक पात्र नागरिकाने आपले नाव मतदार यादीत कायम असल्याची खात्री करून SIR प्रक्रिया पूर्ण करावी, असे आवाहन करण्यात आले आहे.
