मुंबई : गणेशोत्सवाच्या पार्श्वभूमीवर कोकणात जाणाऱ्या चाकरमान्यांसाठी मोठी दिलासादायक बातमी आहे. महाड-माणगाव-पोलादपूर मतदारसंघातील प्रवाशांसाठी विशेष बससेवा सुरू करण्यास परिवहन विभागाने मंजुरी दिली आहे. यामुळे गणेशोत्सवासाठी आपल्या गावी जाणाऱ्या नागरिकांना मोठा दिलासा मिळणार आहे. (ST Bus)
यंदा गणेशोत्सव 14 सप्टेंबर 2026 रोजी साजरा होणार आहे. गणेशोत्सवासाठी मुंबईसह राज्यातील विविध भागांतून मोठ्या संख्येने नागरिक कोकणातील आपल्या गावी जातात. त्यामुळे या काळात रेल्वे आणि एसटी बससेवेवर मोठी गर्दी होते. प्रवाशांची गैरसोय टाळण्यासाठी विशेष बससेवा उपलब्ध करून देण्याची मागणी करण्यात आली होती. (Mahad)
- उपमुख्यमंत्री एकनाथ शिंदे यांनी घेतली बैठक; प्रवासी सुविधांसह हॉस्पिटल आणि चित्रपटगृहांचाही समावेश मुंबई : महाराष्ट्राची जीवनवाहिनी असलेल्या ...
महाड-माणगाव-पोलादपूर मतदारसंघातील मुंबईत राहणाऱ्या चाकरमान्यांसाठी शनिवार, 12 सप्टेंबर 2026 रोजी रात्रीच्या वेळेत विशेष बस सोडण्याची मागणी मंत्री भरतशेठ गोगावले यांनी परिवहन मंत्री प्रताप सरनाईक यांच्याकडे केली होती. या मागणीची तातडीने दखल घेत परिवहन मंत्र्यांनी संबंधित अधिकाऱ्यांना आवश्यक सूचना दिल्या आहेत. (Ganeshostav 2026)
विशेष बससेवेला मंजुरी मिळाल्याने गणेशोत्सवासाठी कोकणात जाणाऱ्या महाड, माणगाव आणि पोलादपूर तालुक्यातील प्रवाशांना प्रवासासाठी अतिरिक्त पर्याय उपलब्ध होणार आहे. गणेशोत्सवाच्या काळात मुंबईहून कोकणाकडे मोठ्या प्रमाणावर प्रवासी रवाना होत असल्याने वाहतुकीवरही मोठा ताण येतो. अशा परिस्थितीत विशेष बससेवेमुळे प्रवाशांना सुरक्षित आणि सोयीचा प्रवास करता येणार आहे. (Mangaon)
दरम्यान, गणेशोत्सवासाठी गावी जाणाऱ्या चाकरमान्यांसाठी केलेल्या या मागणीला मंजुरी मिळाल्याने प्रवाशांकडून समाधान व्यक्त केले जात आहे. विशेष बससेवेच्या वेळा, मार्ग आणि इतर नियोजनाबाबत संबंधित परिवहन विभागाकडून माहिती जाहीर केली जाणार आहे. (Bus Service)