Lightning Strike : थायलंडमध्ये सुरू असलेल्या स्थानिक फुटबॉल सामन्यादरम्यान घडलेल्या दुर्दैवी घटनेत 24 वर्षीय खेळाडूचा वीज कोसळून मृत्यू झाला आहे. या अपघातात आणखी 12 खेळाडू जखमी झाले असून या घटनेचा व्हिडिओ सोशल मीडियावर मोठ्या प्रमाणात व्हायरल होत आहे. (Thailand News)
मिळालेल्या माहितीनुसार, दक्षिण थायलंडमध्ये स्थानिक फुटबॉल स्पर्धेतील सामना सुरू असताना मुसळधार पाऊस सुरू होता. याचवेळी 24 वर्षीय सोफवान अवाए हा खेळाडू मैदानात खेळत असताना अचानक त्याच्यावर वीज कोसळली. वीज कोसळताच तो मैदानावर कोसळला. त्याच्या सहकाऱ्यांनी तातडीने त्याच्याकडे धाव घेतली, मात्र त्याची प्रकृती गंभीर होती. (Sport News)
फुटबॉल जगतातील लोकप्रिय तारा ख्रिस्तियानो रोनाल्डो आणि त्याची पार्टनर, मॉडेल जॉर्जियाना रॉड्रिगेझ यांच्या लग्नाची चर्चा सध्या जगभरात जोरदार सुरू ...
स्थानिक आपत्कालीन वैद्यकीय पथकाने घटनास्थळी पोहोचून त्याच्यावर उपचार करण्याचा प्रयत्न केला. मात्र, वीजेचा जबरदस्त धक्का बसल्याने त्याचा मृत्यू झाल्याचे अधिकाऱ्यांनी सांगितले. या घटनेत मैदानावरील इतर 12 खेळाडूंनाही दुखापत झाली असून त्यांच्यावर उपचार करण्यात आले. (Lightning Strike)
वृत्तानुसार, हा सामना स्थानिक एफए कप स्पर्धेअंतर्गत खेळला जात होता. या स्पर्धेत हौशी तसेच थायलंड आणि मलेशियातील काही संघ सहभागी झाले होते. सोफवान अवाए हा सॅमकॉल्ट्स संघाकडून खेळत होता. (World News)
घटनेचा व्हिडिओ समोर आल्यानंतर सोशल मीडियावर अनेकांनी आयोजकांवर प्रश्न उपस्थित केले आहेत. मुसळधार पाऊस आणि विजांचा कडकडाट सुरू असतानाही सामना का सुरू ठेवण्यात आला, असा सवाल अनेकांनी उपस्थित केला आहे. काहींनी हवामानाची परिस्थिती लक्षात घेऊन सामना थांबवला असता तर ही दुर्घटना टळली असती, असे मत व्यक्त केले आहे. (Viral Video)
स्थानिक पोलिसांनी सांगितले की, वैद्यकीय पथकाने खेळाडूला वाचवण्यासाठी सर्वतोपरी प्रयत्न केले, मात्र त्याच्या दुखापती अत्यंत गंभीर असल्याने त्याचा जीव वाचवता आला नाही. (Football Player Death)
सरकारी आकडेवारीनुसार, थायलंडमध्ये 2020 ते 2024 या कालावधीत वीज कोसळल्याच्या घटनांमध्ये 283 जणांचा मृत्यू झाला आहे. त्यामुळे पावसाळ्यात मैदानी खेळ आणि सार्वजनिक कार्यक्रमांदरम्यान सुरक्षिततेच्या उपाययोजनांचे महत्त्व पुन्हा एकदा अधोरेखित झाले आहे. (Lightning)