सध्याच्या काळात महागाई आणि सतत वाढणारे इंधनाचे दर यामुळे सर्वसामान्य मध्यमवर्गीय नागरिकांचे बजेट कोलमडले आहे. पेट्रोलच्या वाढत्या किमतींमुळे वाहन चालवणे खर्चिक ठरत आहे. अशा परिस्थितीत ज्या गाड्यांचे मायलेज उत्तम आहे आणि ज्यांच्या मेंटेनन्सचा (देखभालीचा) खर्च अत्यंत कमी आहे, अशा बाईक खरेदी करण्याकडे लोकांचा ओढा मोठ्या प्रमाणावर वाढला आहे. जर तुम्हीही कमी बजेटमध्ये उत्तम मायलेज देणारी आणि खिशाला परवडणारी बाईक शोधत असाल, तर भारतीय बाजारात अशा काही उत्कृष्ट आणि बजेट-फ्रेंडली बाईक उपलब्ध आहेत, ज्या तुमच्यासाठी फायद्याच्या ठरू शकतात. चला तर मग, जाणून घेऊया अशाच ५ सर्वोत्तम आणि स्वस्त बाईकबद्दल...
मुंबई (विशेष प्रतिनिधी) मुंबई महानगरपालिकेच्या ‘जी दक्षिण’ प्रशासकीय विभागात कचरा संकलन आणि वाहतुकीसाठी प्रभावी आणि एकात्मिक यंत्रणा कार्यान्वित ...
१. TVS Radeon
[caption id="attachment_1049477" align="alignnone" width="696"]
TVS Radeon[/caption]भारतीय बाजारपेठेत TVS Radeon ही एक अत्यंत लोकप्रिय, स्वस्त आणि मजबूत बाईक मानली जाते. या बाईकची एक्स-शोरूम किंमत सुमारे ५८,४५० रुपयांपासून सुरू होते. दिसायला ही बाईक अत्यंत आकर्षक असून यात क्रोम गार्निश, रग्ड स्टाइलिंग आणि आरामदायक लांब सीट देण्यात आली आहे. या बाईकच्या टॉप व्हेरिएंटमध्ये डिजिटल इन्स्ट्रुमेंट क्लस्टर, यूएसबी चार्जिंग पोर्ट, साइड स्टँड इंडिकेटर आणि सिंक्रोनाइज्ड ब्रेकिंग सिस्टमसारखे आधुनिक फीचर्स मिळतात. यात १०९.७ सीसीचे ड्युरा-लाइफ एअर-कूल्ड इंजिन दिले आहे, जे ८.०८ bhp ची पॉवर आणि ८.७ Nm चा टॉर्क जनरेट करते. यात ४-स्पीड गिअरबॉक्स मिळतो. या बाईकचे सस्पेंशन उत्तम असल्याने खराब रस्त्यांवरही ती उत्कृष्ट कामगिरी करते. मायलेजच्या बाबतीत बोलायचे झाले, तर ही बाईक साधारणपणे ६५ ते ७० किमी प्रति लिटरपर्यंतचे दमदार मायलेज देते.
२. TVS Sport
[caption id="attachment_1049478" align="alignnone" width="696"]
TVS Sport[/caption]टीव्हीएस मोटर्सची TVS Sport ही एक स्पोर्टी आणि उत्कृष्ट बजेट-फ्रेंडली कम्युटर बाईक आहे. या बाईकची किंमत सुमारे ५८,७५० रुपये इतकी आहे. ज्यांना अगदी साधी बाईक नकोय, त्यांच्यासाठी ही बाईक उत्तम पर्याय आहे. यात आकर्षक बॉडी ग्राफिक्स, स्लीक हेडलॅम्प आणि एलईडी डीआरएल (DRL) दिले आहेत. या बाईकमध्ये अॅनालॉग इन्स्ट्रुमेंट क्लस्टर, इलेक्ट्रिक स्टार्ट आणि १० लिटरची पेट्रोल टाकी मिळते. TVS Sport मध्ये १०९.७ सीसीचे सिंगल-सिलेंडर, एअर-कूल्ड, फ्यूल-इंजेक्टेड इंजिन दिले आहे, जे ८.०८ bhp पॉवर आणि ८.७ Nm टॉर्क निर्माण करते. यात ४-स्पीड गिअरबॉक्स दिला असून मायलेजच्या बाबतीत ही बाईक ७० ते ७५ किमी प्रति लिटरपर्यंतचे उत्कृष्ट मायलेज देते.
३. Hero HF Deluxe
[caption id="attachment_1049479" align="alignnone" width="696"]
Hero HF Deluxe[/caption]भारतातील सर्वात मोठी दुचाकी उत्पादक कंपनी असलेल्या हिरो मोटोकॉर्पची 'Hero HF Deluxe' ही मागील अनेक वर्षांपासून सर्वात स्वस्त आणि मेंटेनन्स-फ्री बाईक म्हणून ओळखली जाते. या बाईकची एक्स-शोरूम किंमत सुमारे ५९,४७७ रुपये आहे. ही एक अतिशय साधी आणि आकर्षक ग्राफिक्ससह येणारी बाईक आहे. यात अलॉय व्हील्स, इलेक्ट्रिक स्टार्ट, अॅनालॉग कन्सोल आणि हिरोची विशेष i3S टेक्नॉलॉजी दिली आहे, जी ट्रॅफिकमध्ये आपोआप पेट्रोल वाचवण्यास मदत करते. यात ९७.२ सीसीचे एअर-कूल्ड, ४-स्ट्रोक, सिंगल-सिलेंडर इंजिन आहे, जे ८.०२ PS पॉवर आणि ८.०५ Nm टॉर्क जनरेट करते. ४-स्पीड गिअरबॉक्स असलेली ही बाईक अत्यंत हलकी आहे, त्यामुळे अरुंद गल्ल्यांमध्ये आणि शहरात चालवण्यासाठी ही अतिशय सोयीची ठरते. ही बाईक सुमारे ६५ ते ७० किमी प्रति लिटरपर्यंतचे मायलेज देते.
४. Honda Shine 100
[caption id="attachment_1049480" align="alignnone" width="696"]
Honda Shine 100[/caption]जपानी ऑटोमोबाइल कंपनी होंडाची 'Honda Shine 100' ही या श्रेणीतील एक अत्यंत दमदार आणि विश्वासू बाईक आहे. या बाईकची एक्स-शोरूम किंमत ६५,६४२ रुपयांपासून सुरू होते. दिसायला ही बाईक होंडाच्या लोकप्रिय SP125 आणि Shine 125 सारखीच प्रीमियम दिसते. या बाईकमध्ये कॉम्बी ब्रेकिंग सिस्टम (CBS), सिंपल अॅनालॉग स्पीडोमीटर, साइड स्टँड इंजिन कट-ऑफ आणि लांब आरामदायक सीट दिली आहे. Honda Shine 100 मध्ये ९८.९८ सीसीचे फ्यूल-इंजेक्टेड, eSP (एनहान्स्ड स्मार्ट पॉवर टेक्नॉलॉजी) इंजिन दिले आहे, जे ७.३८ PS पॉवर आणि ८.०५ Nm टॉर्क जनरेट करते. होंडाच्या गाड्या त्यांच्या अतिशय स्मूथ इंजिनसाठी ओळखल्या जातात. या बाईकचे वजन केवळ ९९ किलो असल्याने हिची हँडलिंग आणि परफॉर्मन्स खूप चांगला आहे. ही बाईक साधारणपणे ६० ते ६५ किमी प्रति लिटरचे मायलेज देते.
५. Hero Splendor Plus
[caption id="attachment_1049483" align="alignnone" width="696"]
Hero Splendor Plus[/caption]हिरोची 'Splendor Plus' ही भारतीय बाजारपेठेतील एक लिजेंड्री बाईक मानली जाते. अनेक दशकांपासून या बाईकने ग्राहकांच्या मनावर आणि बाजारावर एकहाती राज्य केले आहे. या बाईकची एक्स-शोरूम किंमत सुमारे ७७,७७७ रुपयांपासून सुरू होते. क्लासिक आणि रेक्टँग्युलर हेडलॅम्पमुळे ही मध्यमवर्गीयांची कायमच फेव्हरेट राहिली आहे. या बाईकमध्ये अलॉय व्हील्स, ट्यूबलेस टायर, i3S टेक्नॉलॉजी, ब्लूटूथ कनेक्टिव्हिटी (XTEC व्हेरिएंटमध्ये) आणि इंटिग्रेटेड ब्रेकिंग सिस्टीमसारखी आधुनिक फीचर्स मिळतात.
Haryana : हरियाणामधील पंचकुला येथे घडलेल्या एका थरारक आणि खळबळजनक हत्याप्रकरणाचा पोलिसांनी पर्दाफाश केला आहे. रिटायर्ड कॅप्टन मनमोहन लाल सिंग यांच्या ...
Hero Splendor Plus मध्ये ९७.२ सीसीचे एअर-कूल्ड OHC इंजिन आहे, जे ८.०२ PS पॉवर आणि ८.०५ Nm टॉर्क जनरेट करते. यात ४-स्पीड गिअरबॉक्स दिला आहे. ही बाईक तिच्या कमीत कमी मेंटेनन्स खर्चासाठी ओळखली जाते. मायलेजच्या बाबतीत ही बाईक ६५ ते ७५ किमी प्रति लिटरपर्यंतचे दमदार मायलेज देते. जर तुम्हाला कमी खर्चात आणि उत्तम मायलेजसह विश्वासू गाडी हवी असेल, तर या सर्व गाड्या तुमच्यासाठी सर्वोत्तम पर्याय ठरू शकतात.