Nashik : नाशिक शहरात डेंग्यू, चिकुनगुनिया, मलेरिया आणि स्वाईन फ्लूच्या पार्श्वभूमीवर नाशिक महानगरपालिकेच्या (Nashik Municipal Corporation) सार्वजनिक आरोग्य विभागाने प्रतिबंधात्मक मोहीम सुरू केली आहे. प्रथम बाधित रुग्ण आढळलेल्या परिसरात विशेष सर्वेक्षण करून त्यानंतर टप्प्याटप्प्याने शहरभर मोहीम राबविण्यात येणार आहे. (Nashik News)
Nashik Crime News : अंधश्रद्धेच्या विळख्यातून आजही अनेक लोक अडकून पडले आहे. अर्थात त्या लोकांना त्याचे परिणाम आर्थिक, मानसिक किंवा शारीरिक त्रासातून भोगावे ...
आरोग्य सेविकांचे पथक घरोघरी जाणार
प्रत्येक आरोग्य वर्धिनी केंद्राच्या (Health and Wellness Centre) कार्यक्षेत्रात मलेरिया फील्ड वर्कर आणि आरोग्य सेविकांचे पथक घराघरात जाऊन पाण्याची भांडी, कुलर, गच्ची, कुंड्या व डासांची उत्पत्ती होणाऱ्या ठिकाणांची तपासणी करणार आहे. डासांची उत्पत्ती आढळल्यास पाणी रिकामे करणे, अबेटिंग व इतर प्रतिबंधात्मक उपाय तातडीने केले जाणार आहेत. ताप, अंगदुखी किंवा इतर लक्षणे असलेल्या संशयित रुग्णांची माहिती घेऊन तपासणी केली जाईल. खासगी रुग्णालयांकडून माहिती मिळाल्यानंतर संबंधित परिसरात ४८ तासांत आरोग्य पथकांकडून कारवाई करण्यात येणार आहे. (Nashik News)
Nashik : शेतकऱ्यांसाठी जमीन म्हणजे सर्व काही असतं. मात्र हीच जमीन जर परस्पर तिसराच विकत असेल तर... तर पायाखालचीही जमीन सरकेल ! नाशिक जिल्ह्यातील दिंडोरी (Dindori) ...
मनपाचे आवाहन
महापालिकेने नागरिकांना घर व परिसरात पाणी साचू न देणे, पाण्याची भांडी नियमित स्वच्छ करणे, कुलर व इतर साठ्यांची काळजी घेणे तसेच तापाची लक्षणे आढळल्यास त्वरित डॉक्टरांचा सल्ला घेण्याचे आवाहन केले आहे. (Nashik News)
अशी घ्यावी काळजी
हौद स्वच्छ करून कोरडे करा.
आठवड्यातून एकदा पाण्याची भांडी, टाक्या व कुलर, कुंड्या, फुलदाण्या व इतर ठिकाणी साचलेले पाणी काढा.
पाणी साचणाऱ्या टाकाऊ वस्तूंची विल्हेवाट लावा.
ताप, अंगदुखी किंवा अशक्तपणा जाणवल्यास त्वरित वैद्यकीय सल्ला घ्या.