मुंबई : आपल्या अतरंगी फॅशन आणि रोखठोक वक्तव्यांमुळे नेहमीच चर्चेत राहणारी सोशल मीडिया इन्फ्लुएन्सर उर्फी जावेद (Uorfi Javed) सध्या एका नवीन वादामुळे चर्चेत आली आहे. नीट (NEET) पेपर लीक आंदोलनादरम्यान 'कॉकरोच जनता पार्टी'ला (CJP) पाठिंबा देण्यासाठी १ लाख रुपये घेतल्याचा गंभीर आरोप तिच्यावर करण्यात आला होता. आता या संपूर्ण प्रकरणावर मौन सोडत उर्फीने सोशल मीडियावर व्हिडिओ शेअर करून आरोप करणाऱ्याला थेट आणि सडेतोड उत्तर दिले आहे.
"१ लाख?? १ लाख??" उर्फीने केली आरोपांची पोलखोल!
सोशल मीडिया इन्फ्लुएन्सर फैझान अन्सारी (Faizan Ansari) याने दावा केला होता की, सीजेपीचे संस्थापक अभिजित दीपके यांच्याकडून उर्फीने १ लाख रुपये घेऊन पक्षाला पाठिंबा दिला होता. यावर भडकलेल्या उर्फीने आधी इन्स्टाग्रामवर "१ लाख?? १ लाख!!" अशी कॅप्शन देत बातमी शेअर केली. त्यानंतर लागोपाठ दोन व्हिडिओ पोस्ट करत तिने फैझान अन्सारीचा चांगलाच समाचार घेतला. व्हिडिओमध्ये संताप व्यक्त करत उर्फी म्हणाली, "जो माणूस हा दावा करत आहे, तो फैझान अन्सारी अत्यंत मूर्ख माणूस आहे. हा तोच माणूस आहे ज्याने पूर्वी माझ्याबद्दल मी ट्रान्सजेंडर असल्याच्या खोट्या अफवा पसरवल्या होत्या. हा फक्त प्रसिद्धीचा भुकेला (Media-Hungry) माणूस आहे." तिने पुढे फैझानला टोला लगावत म्हटले, "अरे चोमू, आधी जाऊन माहिती कर की मी एका इन्स्टाग्राम रीलसाठी किती पैसे घेते! मी काय १ लाखात उगाचच कुठलीही रील टाकेन का?"
गांधीनगर : पावसाळ्याच्या दिवसांत गुजरात राज्यात एका अत्यंत घातक आणि प्राणघातक आजाराने थैमान घातले आहे. 'चांदीपुरा एन्सेफलायटिस' (Chandipura Virus) या धोकादायक ...
"माझं पैशांचं नुकसान झालंय, ब्रँड्सनी पाठ फिरवली!"
📣 Urfi Javed slammed Faizan Ansari and Hindustan Times over an alleged fake news article about her CJP protest reel: Urfi said, "Faizan Ansari, who wrote this article, once called me a transgender and has always written negative things about me. He claims that I charged ₹1… pic.twitter.com/3VvqWVXp6I
— TEJASH 🚩 (@Tejashyy) August 4, 2026
पैसे घेऊन पक्षाचा प्रचार केल्याचा आरोप फेटाळून लावताना उर्फीने एक मोठा दावा केला आहे. तिने सांगितले की, सीजेपीला (CJP) पाठिंबा दिल्यामुळे तिला कोणताही आर्थिक फायदा झालेला नाही, उलट तिचे मोठे नुकसान झाले आहे. उर्फी म्हणाली, "मला या कामाचे पैसे मिळालेले नाहीत, उलट माझे पैसे गेले आहेत. मी जेव्हापासून सार्वजनिकरीत्या सीजेपीला पाठिंबा दिला आहे, तेव्हापासून अनेक मोठ्या ब्रँड्सनी माझ्यासोबत काम करण्यास नकार दिला आहे आणि माझ्यासोबतचे प्रोजेक्ट्स रद्द केले आहेत."
"१ रुपया घेतल्याचं सिद्ध करा, इन्स्टाग्राम बंद करेन!" – थेट आव्हान
आपली बाजू मांडताना उर्फीने मीडिया आणि आरोप करणाऱ्यांना खुले आव्हान दिले आहे. तिने म्हटले, "जर तुम्ही हे सिद्ध करून दाखवले की मी या कामासाठी १ रुपया जरी घेतला आहे, तर मी त्याच दिवशी माझे सोशल मीडिया अकाऊंट डीॲक्टिव्हेट करेन." सोशल मीडिया हेच तिचे कमाईचे मुख्य साधन असतानाही तिने दिलेले हे थेट आव्हान सध्या इंटरनेटवर प्रचंड व्हायरल होत आहे.
