Red Alert in Maharashtra : नाशिक, पुणेसह 5 जिल्ह्यांना IMD चा रेड अलर्ट; काही तास मुसळधार पावसाची शक्यता

मुंबई : भारतीय हवामान विभागाने (India Meteorological Department - IMD) आज ३१ जुलै रोजी सकाळी ७.०० वाजता नाऊकास्ट (Nowcast) इशारा जारी केली आहे. ही चेतावणी पुढील 3 तासांसाठी वैध असून नाशिक, पुणे, धुळे, सातारा आणि जळगाव जिल्ह्यांसाठी रेड (Red) अलर्ट देण्यात आला आहे.

हवामान विभागाच्या (Weather Department) माहितीनुसार, या जिल्ह्यांतील काही ठिकाणी मध्यम ते अतिवृष्टी (Moderate to Intense Rain) होण्याची शक्यता आहे. तसेच मेघगर्जना (Thunder), विजांचा कडकडाट (Lightning) आणि ताशी वेगाने वाहणारे सोसाट्याचे वारे (Gusty Winds) अनुभवास येऊ शकतात.

नागरिकांनी अनावश्यक प्रवास टाळावा, सुरक्षित ठिकाणी थांबावे आणि वीज कोसळण्याच्या (Lightning) शक्यतेमुळे मोकळ्या जागेत किंवा झाडाखाली उभे राहणे टाळावे, असे आवाहन करण्यात आले आहे.