मुंबई : मुंबईतील जोगेश्वरी येथील ट्रॉमा केअर (Trauma Care) रुग्णालयात एक धक्कादायक घटना समोर आली आहे. १९ वर्षीय अविवाहित तरुणीने रुग्णालयातील स्वच्छतागृहात अकाली (Preterm) बाळाला जन्म दिल्यानंतर नवजात (Newborn) बाळाला कचरापेटीत टाकल्याची घटना सोमवारी (२७ जुलै) घडली. सुदैवाने बाळाच्या रडण्याचा आवाज ऐकून रुग्णालयातील कर्मचाऱ्यांनी वेळीच धाव घेत त्याचा जीव वाचवला.
रुग्णालयातील सूत्रांनी दिलेल्या माहितीनुसार, संबंधित तरुणी पोटदुखीच्या तक्रारीनंतर अपघात व आपत्कालीन विभागात (Accident and Emergency Department) उपचारासाठी दाखल झाली होती. नोंदणी (Registration) झाल्यानंतर ती स्वच्छतागृहात गेली. तिथेच तिने अकाली बाळाला जन्म दिला. त्यानंतर तिने नवजात बाळाला कचरापेटीत टाकल्याचा आरोप आहे.
Shalarth ID Scam : राज्यातील बहुचर्चित राज्य शासनाची तब्बल १६० कोटी रुपयांची फसवणूक झालेल्या 'शालार्थ आयडी' घोटाळ्याच्या (Shalarth ID Scam) तपासाला आता अधिक वेग आला आहे. या ...
काही वेळाने स्वच्छतागृहातून बाळाच्या रडण्याचा आवाज येऊ लागल्याने रुग्णालयातील कर्मचाऱ्यांना संशय आला. संबंधित तरुणीने स्वच्छतागृहाचा दरवाजा आतून बंद केल्याने तो उघडण्यास काही वेळ लागला. दरवाजा उघडल्यानंतर कर्मचाऱ्यांना नवजात बाळ कचरापेटीत आढळले.
बाळाची प्रकृती गंभीर (Critical) असल्याने त्याला तातडीने वांद्रे येथील व्ही. एन. देसाई (V. N. Desai) रुग्णालयात हलविण्यात आले. सध्या नवजात बाळावर अतिदक्षता विभागात (Intensive Care Unit – ICU) उपचार सुरू आहेत. तर संबंधित १९ वर्षीय तरुणीवर जोगेश्वरी ट्रॉमा केअर रुग्णालयात उपचार सुरू आहेत.
