मुंबई: मध्य रेल्वेच्या हार्बर मार्गावरील वाढती गर्दी आणि प्रवाशांचे होणारे हाल लक्षात घेता प्रशासनाने एक अत्यंत महत्त्वपूर्ण निर्णय घेतला आहे. प्रवाशांचा प्रवास अधिक सुखकर, सुरक्षित आणि सोयीस्कर व्हावा, यासाठी मुंबई शहरी परिवहन प्रकल्पांतर्गत हार्बर मार्गावरील महत्त्वाच्या जीटीबी नगर (GTB Nagar) स्थानकाचे आधुनिकीकरण केले जात आहे. या प्रकल्पाचे काम मुंबई रेल्वे विकास महामंडळामार्फत (MRVC) वेगाने सुरू असून, लवकरच या स्थानकात १५ डब्यांच्या लोकल ट्रेन धावणार आहेत.
FDA action in Jalgaon : राज्यभरात अन्न व औषध प्रशासनाकडून कारवाईचा धडाका सुरू असतानाच, जळगाव जिल्ह्यात ‘एफडीए’ने कारवाई करत भेसळखोर तसेच अन्न व औषध प्रशासन ...
प्रवाशांच्या वाढत्या गर्दीला मोठा दिलासा
गेल्या काही वर्षांत मुंबईच्या लोकसंख्येत आणि लोकल प्रवाशांच्या संख्येत मोठी वाढ झाली आहे. विशेषतः हार्बर मार्गावरील लोकल गाड्यांमध्ये होणारी प्रचंड गर्दी ही वेगळीच समस्या बनली आहे. या समूळ समस्येवर मात करण्यासाठी आणि भविष्यातील प्रवासी गरजा लक्षात घेऊन प्रशासनाने हार्बर मार्गावर १५ डब्यांची लोकल सेवा सुरू करण्याच्या हालचालींना वेग दिला आहे. सध्या जीटीबी नगर स्थानकावर केवळ १२ डब्यांची लोकल सेवा उपलब्ध आहे, ज्यामुळे गर्दीच्या वेळेस प्रवाशांना प्रचंड मनस्ताप सहन करावा लागतो. मात्र, १५ डब्यांची लोकल सुरू झाल्यानंतर प्रवाशांच्या प्रवासातील मोठा ताण कमी होण्यास मदत होणार आहे.
पुणे : लोहगड (Lohagad Fort) पुन्हा एकदा चर्चेचा विषय ठरला आहे. केतन अग्रवाल हत्या प्रकरणानंतर या ऐतिहासिक किल्ल्याकडे सर्वांचे लक्ष वेधले गेले असतानाच आता सोशल ...
प्लॅटफॉर्मची लांबी ३३० मीटरपर्यंत वाढवण्याचे काम सुरू
१५ डब्यांची लोकल सेवा सुरू करण्यासाठी स्थानकावरील प्लॅटफॉर्मची लांबी वाढवणे अनिवार्य आहे. त्यानुसार, सध्या जीटीबी नगर स्थानकावर युद्धापातळीवर विस्तारीकरणाचे काम सुरू आहे. या प्रकल्पांतर्गत सध्या असलेल्या प्लॅटफॉर्मची लांबी तब्बल ३३० मीटरपर्यंत वाढवली जात आहे.
स्थानकाच्या पश्चिम बाजूला ३३० मीटर लांब आणि सुमारे १० मीटर रुंद असा नवीन होम प्लॅटफॉर्म (1A) उभारण्यात येत आहे.
याशिवाय, सध्या अस्तित्वात असलेल्या प्लॅटफॉर्म क्रमांक १ आणि २ चा उत्तर दिशेने विस्तार करून त्यांची लांबीही ३३० मीटर केली जात आहे.
मुंबई : दिग्दर्शक नितेश तिवारी यांच्या बहुप्रतिक्षित ‘रामायण’ चित्रपटाचा (Ramayana Trailer) दमदार ट्रेलर अखेर प्रदर्शित झाला असून, सोशल मीडियावर त्याची जोरदार ...
प्रवाशांसाठी अत्याधुनिक सुविधांची निर्मिती
केवळ प्लॅटफॉर्मची लांबी वाढवणेच नव्हे, तर प्रवाशांच्या सोयीसाठी जीटीबी नगर स्थानकावर इतरही अनेक आधुनिक सुविधा उभारल्या जात आहेत. यामध्ये नवीन स्कायवॉकचा समावेश असून, तो रेल्वे उड्डाणपुलाच्या उत्तर टोकाला उभारण्यात येत असलेल्या नवीन पादचारी पुलाशी जोडला जाईल. तसेच, प्रवाशांच्या सुरक्षित आणि सुलभ आवागमनासाठी दोन नवे पादचारी पूल देखील तयार केले जात आहेत.
या सर्व विकासकामांना गती देण्यात आली असून, लवकरच हार्बर मार्गावरील प्रवाशांना १५ डब्यांच्या लोकलने प्रवास करण्याची बहुप्रतिक्षित 'गुड न्यूज' प्रत्यक्षात अनुभवायला मिळणार आहे.