ठाणे : ठाणे जिल्ह्यातील कल्याण पश्चिम येथील ऐतिहासिक प्रबोधनकार ठाकरे सरोवर (काळा तलाव) परिसरात १७ वर्षीय अल्पवयीन तरुणीचा मृतदेह आढळल्याने खळबळ उडाली आहे. संचिता असे मृत तरुणीचे नाव असून, तिचा मृत्यू आत्महत्या आहे की घातपात, याचा तपास बाजारपेठ पोलीस करत आहेत. दरम्यान, तपासासाठी सीसीटीव्ही फुटेज पाहण्याचा प्रयत्न केला असता तलाव परिसरातील सर्व ३२ सीसीटीव्ही कॅमेरे बंद असल्याचे समोर आल्याने पालिका प्रशासनाच्या कारभारावर प्रश्नचिन्ह उपस्थित झाले आहे. (Kalyan)
मिळालेल्या माहितीनुसार, संचिता सोमवारी घरातून अचानक बेपत्ता झाली होती. कुटुंबीयांनी तिचा शोध घेतल्यानंतरही ती न सापडल्याने बाजारपेठ पोलीस ठाण्यात बेपत्ता झाल्याची तक्रार दाखल करण्यात आली होती.
मंगळवारी सायंकाळी सुमारे ४ वाजण्याच्या सुमारास काळा तलावात एका तरुणीचा मृतदेह तरंगताना स्थानिक नागरिकांना दिसला. त्यांनी तत्काळ पोलिसांना माहिती दिली. घटनास्थळी दाखल झालेल्या पोलिसांनी मृतदेह बाहेर काढून ओळख पटवली असता तो बेपत्ता असलेल्या संचिताचा असल्याचे स्पष्ट झाले. पंचनामा करून मृतदेह शवविच्छेदनासाठी रुक्मिणीबाई रुग्णालयात पाठवण्यात आला. (Kalyan Police)
Nashik News : नाशिकमध्ये कायदा आणि सुव्यवस्था यासाठी पोलिसांकडून महत्त्वाचा निर्णय घेण्यात आला आहे. नाशिकमध्ये कायदा आणि सुव्यवस्था अबाधित राखण्यासाठी ...
प्राथमिक माहितीनुसार, संचिताने तलावात उडी मारून आत्महत्या (Suicide) केली असावी, असा अंदाज व्यक्त केला जात आहे. मात्र, तिला कोणी तलावात ढकलले का किंवा मृत्यूमागे अन्य काही कारण आहे का, याचाही पोलीस सखोल तपास करत आहेत.
विशेष म्हणजे, स्मार्ट सिटी योजनेअंतर्गत सुमारे १९ कोटी रुपये खर्च करून काळा तलाव परिसराचा विकास करण्यात आला होता. सुरक्षेच्या दृष्टीने परिसरात ३२ सीसीटीव्ही (CCTV) कॅमेरे बसवण्यात आले होते. मात्र, घटनेनंतर पोलीस फुटेज तपासण्यासाठी गेले असता सर्व कॅमेरे बंद असल्याचे आढळले. त्यामुळे तपासावर परिणाम होण्याची शक्यता व्यक्त होत असून, सीसीटीव्ही यंत्रणा बंद का होती, याचाही तपास केला जात आहे.