छत्रपती संभाजीनगर : छत्रपती संभाजीनगर (Chhatrapati Sambhajinagar) शहरातील जळगाव रोड (Jalgaon Road) परिसरात बुधवारी शाळेच्या बसचा (School Bus) थरारक अपघात (Accident) घडला. सुमारे ४० विद्यार्थ्यांनी भरलेल्या इंग्रजी माध्यमाच्या शाळेच्या बसचा चालक गाडी चालवत असताना अचानक चक्कर आल्याने बस रस्त्यावरील दुभाजक (Divider) चढून थांबली. सुदैवाने बसचा वेग कमी असल्याने कोणतीही जीवितहानी झाली नाही आणि मोठी दुर्घटना (Major Mishap) थोडक्यात टळली.
मिळालेल्या माहितीनुसार, शाळा सुटल्यानंतर चालक विशाल शिवलिंग बागुले हे विद्यार्थ्यांना टीव्ही सेंटर (TV Centre) परिसरातील त्यांच्या घरी सोडण्यासाठी बस घेऊन निघाले होते. पिरॅमिड चौक (Pyramid Chowk) ओलांडून काळा गणपती मंदिरासमोर बस पोहोचताच चालकाला अचानक चक्कर आली. डोळ्यांसमोर अंधारी आल्याने त्यांचे बसवरील नियंत्रण (Control) सुटले आणि बस थेट रस्त्याच्या दुभाजकावर जाऊन चढली.
घटना घडताच बसमधील विद्यार्थ्यांमध्ये भीतीचे वातावरण निर्माण झाले. अनेक चिमुकल्यांनी घाबरून आरडाओरड सुरू केली. आवाज ऐकून स्थानिक नागरिक आणि इतर वाहनचालकांनी तात्काळ घटनास्थळी धाव घेतली. नागरिकांनी प्रसंगावधान राखत सर्व विद्यार्थ्यांना सुरक्षितपणे बसबाहेर काढले आणि त्यांना धीर दिला.
शवविच्छेदन आणि पंचनाम्याचे व्हिडिओ चित्रीकरण बंधनकारक मुंबई : पोलीस कोठडीतील मृत्यूच्या (Custodial Death) प्रत्येक प्रकरणात तपास अधिक पारदर्शक, निष्पक्ष आणि ...
चालकावर उपचार, विद्यार्थ्यांना दुसऱ्या बसने घरी पाठवले
घटनेनंतर बेशुद्ध पडलेल्या चालक विशाल बागुले यांना तातडीने जवळच्या रुग्णालयात (Hospital) उपचारासाठी दाखल करण्यात आले. या घटनेची माहिती शाळा प्रशासन (School Administration) आणि विद्यार्थ्यांच्या पालकांना त्वरित देण्यात आली. त्यानंतर दुसऱ्या चालकाची व्यवस्था करून सर्व ४० विद्यार्थ्यांना दुसऱ्या शाळा बसमधून सुरक्षितपणे त्यांच्या घरी पोहोचवण्यात आले. मुलांना सुखरूप पाहिल्यानंतर पालकांनी सुटकेचा निश्वास सोडला.
शवविच्छेदन आणि पंचनाम्याचे व्हिडिओ चित्रीकरण बंधनकारक
मुंबई : पोलीस कोठडीतील मृत्यूच्या (Custodial Death) प्रत्येक प्रकरणात तपास अधिक पारदर्शक, निष्पक्ष आणि ...
शवविच्छेदन आणि पंचनाम्याचे व्हिडिओ चित्रीकरण बंधनकारक मुंबई : पोलीस कोठडीतील मृत्यूच्या (Custodial Death) प्रत्येक प्रकरणात तपास अधिक पारदर्शक, निष्पक्ष आणि ...