Cyber Crime : एनआयसीच्या डेटाबेसमध्ये घुसखोरी करून वाहनांना बोगस फिटनेस प्रमाणपत्र देणाऱ्याला अटक

बीड : बीड ग्रामीण पोलीस ठाण्यात दाखल असलेल्या एका अत्यंत गंभीर सायबर गुन्ह्यात, वाहनांची प्रत्यक्ष तपासणी न करताच बोगस फिटनेस प्रमाणपत्र जारी करणाऱ्या एका मोठ्या आंतरराज्यीय रॅकेटचा बीड पोलिसांच्या विशेष तपास पथकाने (SIT) पर्दाफाश केला आहे. उत्तर प्रदेशातील नोएडा येथून आशिष कडियान या मुख्य आरोपीला बेड्या ठोकण्यात आल्या असून, त्याने थेट राष्ट्रीय सूचना विज्ञान केंद्राच्या (NIC) डेटाबेसमध्ये घुसखोरी करून देशाच्या सुरक्षिततेशी आणि सामान्य नागरिकांच्या जिवाशी खेळ केल्याचा धक्कादायक प्रकार तपासात उघडकीस आला आहे. (Cyber Crime)

The Koyna Dam : कोयना धरण 'छत्रपती शिवाजी महाराज कोयना जलसागर' नावाने ओळखले जाणार

मुंबई : पश्चिम महाराष्ट्राला वरदान ठरलेल्या कोयना जलसागराचे नामांतर "छत्रपती शिवाजी महाराज कोयना जलसागर" असे करण्याचा महत्वपूर्ण आणि ऐतिहसिक निर्णय ...

बीड ग्रामीण पोलीस ठाण्यात याप्रकरणी गुन्हा दाखल करण्यात आला होता. व्हॉट्सॲपच्या माध्यमातून संपर्क साधून वाहनांची प्रत्यक्ष तपासणी न करताच फिटनेस प्रमाणपत्रे ऑनलाईन दिली जात होती. या प्रकाराची व्याप्ती आणि तांत्रिक गुंतागुंत लक्षात घेऊन पोलीस अधीक्षक नवनीत काँवत यांच्या मार्गदर्शनाखाली तपास अधिकारी वेंकटराम यांच्या नेतृत्वात एसआयटी स्थापन करण्यात आली होती. या पथकाने अत्यंत वेगाने तांत्रिक आणि सखोल तपास करत थेट उत्तर प्रदेश गाठले आणि नोएडामधून आरोपी आशिष कडियान याला अटक केली.

Prasad Oak : चित्रपती व्ही. शांताराम व राज कपूर जीवनगौरव तसेच विशेष योगदान पुरस्कार जाहीर

मुंबई : राज्य शासनाच्या सांस्कृतिक कार्य विभागामार्फत प्रदान करण्यात येणारे २०२५ चे 'चित्रपती व्ही. शांताराम जीवनगौरव पुरस्कार' ज्येष्ठ संगीतकार ...

आरोपी आशिष हा नॅशनल इन्फॉर्मेटिक्स सेंटर सर्व्हिसेस इनकॉर्पोरेटेड अंतर्गत काम पाहणाऱ्या व्हेलोसिस सिस्टीम्स प्रायव्हेट लिमिटेड या कंपनीचा कर्मचारी आहे. आरटीओशी संबंधित सॉफ्टवेअर डेव्हलपमेंटचे काम तो करत असल्याने त्याला या प्रणालीतील तांत्रिक खाचाखोचा चांगल्याच माहीत होत्या. आपल्या पदाचा आणि तांत्रिक ज्ञानाचा गैरवापर करून त्याने एनआयसीच्या डेटाबेसमध्ये अनधिकृत फेरफार केले. व्यावसायिक वाहनांचे टॅक्स फायलिंग, सीएनजी स्टेटस बदलणे आणि ब्लॅकलिस्टमधून वाहने बाहेर काढणे असे गंभीर गैरप्रकार त्याने केल्याचे तपासात समोर येत आहे.(Cyber Crime)

Minister Babasaheb Patil : पुण्यश्लोक अहिल्यादेवी होळकर शेतकरी कर्जमुक्ती योजनेच्या उर्वरित याद्या लवकरच जाहीर होणार

पात्र शेतकऱ्यांनी ॲग्रीस्टॅकवर नोंदणी करून आधार प्रमाणीकरण करावे सहकार मंत्री बाबासाहेब पाटील यांचे आवाहन मुंबई :  राज्य शासनाच्या ...

स्वतः सॉफ्टवेअर डेव्हलपर असल्याने त्याने प्रणालीमध्ये जाणीवपूर्वक तांत्रिक त्रुटी ठेवली होती आणि एसक्यूएल इंजेक्शन या पद्धतीचा वापर करून तो डेटाबेसमध्ये मागच्या दाराने बेकायदेशीर बदल करत असल्याचा पोलिसांचा संशय आहे. सुरक्षेचे ऑडिट बायपास करून आणि पुरावे नष्ट करण्यासाठी डेटा क्वेरी लॉग्स डिलीट करून त्याने हा अत्यंत गंभीर सायबर गुन्हा रचला. सध्या एका वाहनाच्या नोंदीतील फेरफार उघडकीस आला असला तरी, अशाच पद्धतीने अनेक वाहनांच्या नोंदीत बदल झाले असण्याची दाट शक्यता असून फॉरेन्सिक तपास अत्यंत वेगाने सुरू आहे. या प्रकरणी आरोपीवर भारतीय न्याय संहितेच्या कलम ३१८(४), ३३६(२), ३४०(२) आणि माहिती तंत्रज्ञान कायद्याच्या कलम ४३ (ब), ६६ (क) आणि ७२ अ नुसार गुन्हे दाखल करण्यात आले आहेत. देशाच्या अत्यंत महत्त्वाच्या आणि सुरक्षित मानल्या जाणाऱ्या शासकीय डिजिटल यंत्रणेतील हा ढिसाळपणा आणि घुसखोरी सामान्य नागरिकांच्या सुरक्षेवर मोठे प्रश्नचिन्ह निर्माण करणारी आहे.(Cyber Crime)