मुंबई : व्हॉट्सअॅप आपल्या IPhone यूझर्ससाठी चॅटिंगचा अनुभव अधिक आकर्षक करण्यासाठी नव्या डिझाइनवर काम करत आहे. सध्या हे फीचर बीटा व्हर्जनमध्ये (version) चाचणीच्या टप्प्यात असून, लवकरच सर्व iOS यूझर्ससाठी उपलब्ध होण्याची शक्यता आहे.
मुंबई उच्च न्यायालय; पेट्रोलमध्ये इथेनॉल मिसळण्याचा निर्णय पेट्रोलियम मंत्रालयाच्या अखत्यारित मुंबई : पेट्रोलमध्ये इथेनॉल मिसळण्याच्या धोरणावरून ...
नवीन अपडेटनंतर मेसेज (message) बबलचा आकार अधिक गोल आणि सॉफ्ट दिसणार आहे. त्यामुळे चॅट इंटरफेस अधिक स्वच्छ आणि आधुनिक वाटेल. तसेच फोटो, व्हिडिओ आणि GIFआता जुन्या बॉर्डरयुक्त बबलऐवजी बॉर्डरशिवाय दिसतील. यामुळे मीडिया कंटेंट अधिक उठून दिसेल. नव्या डिझाइनची झलक Appleच्या iMessage आणि Liquid Glass शैलीशी साधर्म्य दाखवणारी असल्याचे सांगितले जात आहे.
याशिवाय व्हॉट्सअॅप (Whatsapp) सुरक्षा आणि गोपनीयतेसंदर्भातील नव्या फीचर्सवरही काम करत आहे. Two-Step Verification मध्ये ६अंकी PIN ऐवजी पासवर्डचा पर्याय देण्याची तयारी सुरू आहे. तसेच Username फीचरमुळे मोबाईल (mobile)क्रमांक शेअर न करताही इतरांशी संवाद साधणे शक्य होणार आहे. या सर्व बदलांमुळे व्हॉट्सअॅपचा वापर अधिक सुरक्षित, सोयीस्कर आणि आकर्षक होण्याची अपेक्षा व्यक्त केली जात आहे.
कंपनीकडून या अपडेटच्या अधिकृत लॉन्चची तारीख अद्याप जाहीर करण्यात आलेली नसली, तरी बीटा टेस्टिंग अंतिम टप्प्यात आले असल्याने येत्या काहीच आठवड्यांत हे फीचर टप्प्याटप्प्याने iPhone यूझर्सपर्यंत पोहोचण्याची शक्यता आहे. नव्या डिझाइनसोबतच सुरक्षितता, गोपनीयता आणि वापरकर्त्यांचा अनुभव अधिक सुधारण्यावर व्हॉट्सअॅपचा भर असल्याचे या अपडेट्सवरून (updates) स्पष्ट होत आहे.
