पुणे: पुणे जिल्ह्यात 1 कोटी रुपयांच्या रोख रकमेवर डोळा ठेवून दरोड्याचा कट रचल्याचा धक्कादायक प्रकार उघडकीस आला आहे. या प्रकरणात दोन पोलीस कर्मचाऱ्यांसह एकूण 10 जणांविरोधात गुन्हा दाखल करण्यात आला असून, एका तोतया पत्रकारासह चौघांना अटक करण्यात आली आहे. उर्वरित 6 आरोपींचा शोध पोलीस घेत आहेत. (Crime)
- मंत्री नितेश राणे यांची संकल्पना; २५ गावांमध्ये प्रायोगिक तत्त्वावर योजना राबवणार मुंबई : राज्यातील गाव तलाव, पाझर तलाव, साठवण तलाव आणि इतर नैसर्गिक ...
मिळालेल्या माहितीनुसार, तळेगाव दाभाडे येथील व्यावसायिक हर्षवर्धन पवार यांनी ओळखीच्या व्यक्तीला आर्थिक व्यवहारासाठी 1 कोटी रुपये देण्याचे मान्य केले होते. 18 जुलै रोजी त्यांनी ही रक्कम दोन बॅगांमध्ये घेऊन सिंहगड रस्त्यावरील ठरलेल्या ठिकाणी पोहोचून ती कारमधून नऱ्हे येथील बँकेत नेण्यास सुरुवात केली.(Pune)
प्रवासादरम्यान अचानक एका दुचाकीने कार अडवली. त्यानंतर काही जणांनी स्वतःला पोलीस असल्याचे सांगत वाहनातील लोकांना धमकावले. "बेकायदेशीर पैसे घेऊन जात आहात," असे सांगून त्यांनी पैशांच्या बॅगा ताब्यात घेण्याचा प्रयत्न केला. यावेळी झालेल्या झटापटीत हर्षवर्धन पवार यांच्या डोळ्यात मिरची पावडर टाकल्याचाही आरोप आहे. (Robbery case)
या गोंधळानंतर संबंधित कार खेड शिवापूर पोलीस चौकीत नेण्यात आली. तेथे आशिष तिवारी नावाच्या एका व्यक्तीने स्वतःला पोलीस अधिकारी असल्याचे सांगत संबंधितांना ताब्यात घेतल्याचा दावा केला. तपासात तो तोतया पत्रकार असल्याचे समोर आले. (Crime Case)
Nashik : जून महिना कोरडा गेल्यानंतरही झालेल्या दमदार पावसामुळे जिल्ह्यातील बहुतांश धरणे भरली आहेत. त्यामुळे पिण्याच्या पाण्यासह पुढील वर्षभराच्या ...
या प्रकरणात राजगड पोलीस ठाण्यात कार्यरत महिला पोलीस हवालदार प्रमिला निकम आणि पोलीस नाईक अजित मेस्री यांचाही सहभाग असल्याचा आरोप आहे. तक्रारदाराला धमकावून त्याच्याकडील काही रक्कम बळकावण्याचा प्रयत्न झाल्याचे तपासात समोर आले आहे. दरम्यान, वरिष्ठ अधिकाऱ्यांना संशय आल्याने त्यांनी तातडीने हस्तक्षेप केला आणि गायब झालेली रक्कम परत मिळाल्याची माहिती आहे. (Talegaon Dabhade)
तपासादरम्यान सीसीटीव्ही फुटेज आणि इतर पुराव्यांच्या आधारे पोलिसांनी या प्रकरणात पुरवणी गुन्हा दाखल केला. आतापर्यंत तोतया पत्रकार आशिष तिवारीसह चौघांना अटक करण्यात आली असून, दोन पोलीस कर्मचाऱ्यांसह अन्य 4 आरोपी फरार आहेत. त्यांच्या शोधासाठी विशेष पथके नियुक्त करण्यात आली आहेत. (Khad Shivapur)
या घटनेमुळे पोलीस दलाच्या प्रतिमेबाबत प्रश्न उपस्थित झाले असून, संपूर्ण प्रकरणाचा सखोल तपास सुरू असल्याची माहिती पोलिसांनी दिली आहे.