मुंबई : ठाकरे कुटुंबाचा राजकीय वारसा पुढे नेण्याऐवजी अभिनय क्षेत्रात स्वतःची वेगळी ओळख निर्माण करण्याचा निर्णय घेतलेल्या ऐश्वर्य ठाकरे (Aishwarya Thackeray) याच्या करिअरला मोठी संधी मिळाली आहे. शिवसेना संस्थापक बाळासाहेब ठाकरे यांचा नातू असलेला ऐश्वर्य आता यशराज फिल्म्स (YRF) च्या बिग बजेट चित्रपटातून प्रेक्षकांच्या भेटीला येणार आहे.
मिळालेल्या माहितीनुसार, या चित्रपटाचे दिग्दर्शन अली अब्बास जफर (Ali Abbas Zafar) करणार असून चित्रपटाचे नाव अद्याप जाहीर करण्यात आलेले नाही. हा एक रोमँटिक अॅक्शनपट असणार असून त्यामध्ये अहान पांडे (Ahaan Panday), शर्वरी वाघ (Sharvari Wagh) आणि बॉबी देओल (Bobby Deol) यांच्याही महत्त्वाच्या भूमिका असतील. आदित्य चोप्रा (Aditya Chopra) आणि अली अब्बास जफर ही जोडी पाचव्यांदा एकत्र काम करत असून हा चित्रपट २६ मार्च २०२७ रोजी प्रदर्शित होणार असल्याची माहिती समोर आली आहे.
बॉलीवूडच्या 'धम्माल'ला देणार टक्कर! 'मामाच्या गोव्याला जाऊया'च्या ट्रेलरमध्ये कॉमेडी, सस्पेन्स अन् ॲक्शनचा भन्नाट तडका आगामी मराठी सिनेमा 'मामाच्या ...
राजकारणाऐवजी निवडली अभिनयाची वाट :
ऐश्वर्य ठाकरेची (Aishwarya Thackeray) पार्श्वभूमी पूर्णपणे राजकीय असली तरी त्याने कुटुंबाचा राजकीय वारसा पुढे नेण्याऐवजी चित्रपटसृष्टीत करिअर करण्याचा निर्णय घेतला. लहानपणापासूनच त्याला अभिनय, चित्रपट आणि कलाक्षेत्राची आवड असल्याने त्याने बॉलिवूडची वाट निवडली.
कॅमेऱ्यामागून कॅमेऱ्यासमोर :
अभिनेता होण्यापूर्वी ऐश्वर्यने (Aishwarya Thackeray) चित्रपटसृष्टीतील कामकाज जवळून अनुभवले. संजय लीला भन्साळी (Sanjay Leela Bhansali) यांच्या २०१५ मधील सुपरहिट 'बाजीराव मस्तानी' या चित्रपटात त्याने सहाय्यक दिग्दर्शक म्हणून काम केले होते. अभिनयाचे प्रशिक्षण घेतल्यानंतर त्याने दिग्दर्शक अनुराग कश्यप यांच्या 'निशांची' चित्रपटातून बॉलिवूडमध्ये पदार्पण केले.
- कोकण, घाटमाथा आणि पश्चिम महाराष्ट्रात सतर्कतेचे आवाहन मुंबई : राज्यात पुढील दोन ते तीन दिवस पावसाचा जोर कायम राहणार असल्याचा इशारा भारतीय हवामान ...
सोशल मीडियावर कमी, पण चर्चेत कायम :
इतर स्टारकिड्सच्या तुलनेत ऐश्वर्य (Aishwarya Thackeray) सोशल मीडियावर फारसा सक्रिय नाही. त्याच्या इन्स्टाग्रामवर सुमारे १७ हजार फॉलोअर्स असून त्याने मोजक्याच पोस्ट शेअर केल्या आहेत. त्यातील एका पोस्टमध्ये आजोबा बाळासाहेब ठाकरे यांच्यासोबतचा खास फोटोही आहे. तसेच त्याच्या टॅग केलेल्या व्हिडिओंमध्ये त्याचे नृत्यकौशल्यही पाहायला मिळते.
बॉलिवूडमध्ये मोठा स्टार ठरणार?
पहिल्या चित्रपटानंतर थेट यशराज फिल्म्ससारख्या प्रतिष्ठित बॅनरची संधी मिळाल्याने ऐश्वर्य ठाकरेच्या (Aishwarya Thackeray) करिअरला मोठी चालना मिळाल्याचे मानले जात आहे. राजकीय घराण्यातून आलेला हा तरुण अभिनेता रुपेरी पडद्यावर स्वतःची वेगळी छाप पाडतो का, याकडे आता बॉलिवूड आणि प्रेक्षकांचे लक्ष लागले आहे.
