मुंबई : सासू-सुनेच्या (Mother-in-law & Daughter-in-law) नात्यावर आधारित अनेक मालिका (Serials) आणि सिनेमे (Movies) प्रेक्षकांनी पाहिले आहेत. मात्र बहुतेक ठिकाणी या नात्याला वाद, कट-कारस्थानं आणि नकारात्मक (Negative) रंग देण्यात आला आहे. या साच्यातून बाहेर पडत दिग्दर्शक (Director) वरुण नार्वेकर (Varun Narvekar) यांनी साकारलेली 'अगं आई, अहो आई' (Aga Aai, Aho Aai) ही वेब सीरिज (Web Series) सासू-सून, सासू-जावई आणि दोन कुटुंबांमधील मैत्री, विश्वास आणि समजूतदारपणाची सुंदर गोष्ट सांगते.
लग्न (Marriage) म्हणजे केवळ दोन व्यक्तींचं नव्हे, तर दोन कुटुंबांचं मिलन असतं, हीच या वेब सीरिजची मध्यवर्ती कल्पना आहे. कोल्हापूरचा (Kolhapur) अनिश (सुयोग गोहे) आपल्या एकत्र कुटुंबाची (Joint Family) ओळख होणारी पत्नी श्रेया (हृता दुर्गुळे) हिच्याशी करून देतो. भावी सून घरात येताना सुनिताताई (निर्मिती सावंत) तिचा हात धरून घरात स्वागत करतात आणि याच क्षणापासून 'अहो आई'चं 'अगं आई'मध्ये रूपांतर होण्याचा भावनिक (Emotional) प्रवास सुरू होतो.
सीरिजमध्ये (Series) सासू-सुनेचं नातं केवळ औपचारिक राहत नाही, तर ते आई-मुलीच्या नात्यासारखं फुलताना दिसतं. त्याचबरोबर जावईही सासूचा लाडका मुलगा बनत असल्याचा समांतर प्रवास अतिशय सहजपणे दाखवण्यात आला आहे. छोट्या-छोट्या प्रसंगांतून विनोद (Comedy), भावना (Emotion) आणि संवेदनशीलता (Sensitivity) यांचा उत्तम समतोल साधण्यात आला आहे.
मुंबई(Mumbai) : नेहमीच काहीतरी वेगळं, नावीन्यपूर्ण आणि प्रेक्षकांच्या मनाला स्पर्श करणारं सादर करणारी सोनी मराठीवरील 'महाराष्ट्राची हास्यजत्रा' यावेळी ...
कथानकात (Story) केवळ नाती फुलताना दाखवली नाहीत, तर त्यामागील असुरक्षितता (Insecurity) देखील वास्तववादी पद्धतीने मांडण्यात आली आहे. मुलगी सासूच्या जवळ जात असल्याची आईची भावना, आईला जावई अधिक जवळचा वाटत असल्यामुळे मुलीच्या मनात निर्माण होणारी अस्वस्थता आणि नवरा आईकडे अधिक झुकत असल्याची पत्नीची भावना अशा अनेक नाजूक विषयांना दिग्दर्शकाने अत्यंत संयमाने हाताळले आहे.
या वेब सीरिजची सर्वात मोठी जमेची बाजू म्हणजे कुठेही कृत्रिम (Artificial) नाट्य किंवा अनावश्यक ट्विस्ट (Twist) आणलेले नाहीत. प्रत्येक प्रसंग नैसर्गिक वाटतो. दिग्दर्शकाला कथानक (Narrative) कुठे आणि किती पुढे न्यायचं याचं उत्तम भान असल्याचं प्रत्येक भागातून जाणवतं. प्रत्येक एपिसोडची (Episode) सुरुवात श्रेया आणि अनिश यांच्या लग्नाआधीच्या आयुष्यातील एका प्रसंगाने होते. त्यानंतर वर्तमानातील घटना उलगडत जातात. ही मांडणी (Presentation) सीरिजला वेगळी ओळख मिळवून देते.
अभिनयाबद्दल (Performance) बोलायचं झाल्यास, निर्मिती सावंत यांनी आई, सासू आणि विहीण या तिन्ही भूमिका प्रभावीपणे साकारल्या आहेत. रेणुका शहाणे यांनी आईच्या भूमिकेत अनेक महिलांना स्वतःशी जोडून घेईल असा वास्तववादी अभिनय केला आहे. सुयोग गोहे यांनी मुलगा, नवरा आणि जावई या तिन्ही नात्यांमधील समतोल उत्तम राखला आहे. हृता दुर्गुळेने (Hruta Durgule) श्रेयाची भूमिका सहज, भावूक आणि विश्वासार्ह पद्धतीने साकारत सीरिजला अधिक ताकद दिली आहे.
मुंबई : सोशल मीडिया रिल्स क्रिएटर आणि बिग बॉस फेम अभिनेत्री अंकिता वालावलकरने (Ankita Walawalkar) आपल्या भूमिकेबाबत सुरू असलेल्या चर्चांना पूर्णविराम देत ...
एकूणच, 'अगं आई, अहो आई' ही वेब सीरिज (Web Series) सासू-सुनेच्या (Mother-in-law & Daughter-in-law) नात्याकडे सकारात्मक (Positive) दृष्टीकोनातून पाहायला भाग पाडते. धावपळीच्या आयुष्यात नात्यांमधील ऊब, समजूतदारपणा आणि 'फील गुड' (Feel Good) अनुभव देणारी ही सीरिज नक्की पाहण्यासारखी आहे. दुसरा सीझन (Season 2) आला, तर प्रेक्षक त्याचंही तितक्याच उत्साहाने स्वागत करतील.
