नागपूर: नागपूर शहरातील जरीपटका पोलीस ठाण्याच्या हद्दीतील एका खासगी शाळेत अत्यंत दुर्दैवी आणि मन हेलावणारी घटना घडली आहे. दुपारी मधल्या सुट्टीच्या वेळी मित्रांसोबत खेळत असताना तिसऱ्या वर्गात शिकणारा अवघ्या आठ वर्षांचा मुलगा अचानक चक्कर येऊन खाली कोसळला. उपचारासाठी रुग्णालयात नेले असता डॉक्टरांनी त्याला मृत घोषित केले. या घटनेमुळे शाळा परिसर, शिक्षक, विद्यार्थी आणि पालकांवर मोठा शोककळा पसरली आहे. समता नगर येथील रहिवासी असलेला फनित कटरे असे मृत बालकाचे नाव आहे.
विद्यार्थ्यांच्या आंदोलनात हिंदू राष्ट्रविरोधी शक्तींची घुसखोरी
मुंबई : मुंबईची जीवन वाहिनी मानल्या जाणाऱ्या मध्य रेल्वेच्या (Central Railway) मुख्य मार्गावरून दररोज प्रवास करणाऱ्या लाखो प्रवाशांसाठी एक अत्यंत दिलासादायक ...
नक्की काय घडले?
पोलीस आणि शाळा प्रशासनाकडून मिळालेल्या माहितीनुसार, नेहमीप्रमाणे बुधवारी सकाळी फनितच्या आईने त्याला शाळेत सोडले होते. दुपारी २ वाजेच्या सुमारास लंच ब्रेक (लंच टाईम) झाल्यानंतर फनित आपल्या वर्गमित्रांसह वर्गखोलीबाहेर आला आणि व्हरांड्यात पळू लागला. अवघे थोडे अंतर पार केल्यानंतर तो अचानक जमिनीवर कोसळला. ही बाब लक्षात येताच शाळेतील कर्मचाऱ्यांनी आणि शिक्षकांनी तातडीने फनितला मेयो रुग्णालयात उपचारासाठी नेले. परंतु, डॉक्टरांनी प्राथमिक तपासणी करून त्याला मृत घोषित केले.
Nashik : नाशिकमधील एका भाजप आमदाराचं WhatsApp हॅक झाल्याची घटना घडली आहे. तुमची शॉपिंग डिलिव्हरी आली आहे. तुमचा पत्ता सांगण्यासाठी या नंबरवर डायल करा, असा फोन ...
पालकांचा संताप आणि शाळा प्रशासनाचे स्पष्टीकरण
या दुर्दैवी घटनेनंतर शाळेतील इतर पालकांनी सुरक्षेच्या आणि देखरेखीच्या मुद्द्यावरून शाळा व्यवस्थापनावर तीव्र संताप व्यक्त केला. मधल्या सुट्टीच्या वेळी मुलांवर योग्य देखरेख ठेवली जात नसल्याचा आरोप पालकांकडून करण्यात आला. दुसरीकडे, शाळा प्रशासनाने सर्व आरोप फेटाळून लावले आहेत. फनितला कोणीही ढकलले किंवा मारहाण केलेली नाही, तो पळत असताना अचानक स्वतःहून खाली कोसळल्याचे शाळेतील सीसीटीव्ही फुटेजमध्ये स्पष्टपणे दिसत असल्याचे प्रशासनाने स्पष्ट केले. घटनेची माहिती मिळताच पोलिसांनीही शाळेत भेट देऊन सीसीटीव्ही फुटेजची कसून पाहणी केली आहे.
मुंबई : मुंबईची जीवन वाहिनी मानल्या जाणाऱ्या मध्य रेल्वेच्या (Central Railway) मुख्य मार्गावरून दररोज प्रवास करणाऱ्या लाखो प्रवाशांसाठी एक अत्यंत दिलासादायक ...
शवविच्छेदनानंतर मृत्यूचे कारण स्पष्ट होणार
माहिती मिळताच जरीपटका पोलीस ठाण्याच्या पथकाने तत्काळ घटनास्थळ आणि रुग्णालयात धाव घेतली. पोलिसांनी या प्रकरणी आकस्मिक मृत्यूची नोंद केली असून पुढील तपास सुरू केला आहे. पोलिसांनी दिलेल्या माहितीनुसार, प्राथमिक तपासात मुलगा अचानक धावताना कोसळल्याचे दिसत असले, तरी त्याच्या मृत्यूचे नेमके कारण शवविच्छेदन (Postmortem) अहवाल आल्यानंतरच समोर येईल. हा हृदयविकाराचा झटका होता की अन्य काही वैद्यकीय कारण, याचा सखोल शोध पोलीस घेत आहेत.