पुणे : पुण्यातील वाघोली (Wagholi) परिसरात २० वर्षीय तरुणीवर वारंवार लैंगिक अत्याचार (Sexual Assault) झाल्याची धक्कादायक घटना समोर आली आहे. या प्रकरणात मुख्य आरोपीने प्रेम आणि लग्नाचे आमिष दाखवून तरुणीचा विश्वास संपादन केला. त्यानंतर तिच्यावर अनेक वेळा अत्याचार केल्याचा आरोप असून, पुढे आपल्या तीन मित्रांनाही तिच्यावर अत्याचार करण्यास भाग पाडल्याचे पोलिस तपासात समोर आले आहे. या प्रकरणी वाघोली पोलीस (Wagholi Police) ठाण्यात गुन्हा दाखल करण्यात आला असून चारही आरोपींना अटक (Arrest) करण्यात आली आहे.
अटक करण्यात आलेल्या आरोपींची नावे फरहान रिझवान शेख (२०), फजल शेख (२०), रेहान रिझवान शेख (१८) आणि साहिल (२०) अशी आहेत. चारही आरोपी हे पुण्यातील विमाननगर (Viman Nagar) परिसरातील रहिवासी असल्याची माहिती पोलिसांनी दिली आहे.
मुंबई : मुंबई गुन्हे शाखेने (Mumbai Crime Branch) शहरातील विविध भागांत विशेष मोहीम राबवत बेकायदेशीररीत्या वास्तव्यास असल्याच्या संशयावरून 37 बांगलादेशी (Bangladeshi) ...
प्राथमिक माहितीनुसार, पीडित तरुणीची ओळख फरहान शेख याच्याशी झाली होती. ओळखीचे रूपांतर प्रेमसंबंधात झाले. या नात्याचा गैरफायदा घेत आरोपीने लग्नाचे आश्वासन देत तिचा विश्वास जिंकला. त्यानंतर ९ नोव्हेंबर २०२५ ते ३ जून २०२६ या कालावधीत विविध ठिकाणी नेऊन तिच्यावर वारंवार लैंगिक अत्याचार केल्याचा आरोप आहे.
अश्लील Video च्या धमकीने सुरू ठेवला छळ
पोलिसांच्या माहितीनुसार, मुख्य आरोपीने आपल्या तीन मित्रांनाही पीडितेवर अत्याचार करण्यासाठी पाठवले. आरोपींनी पीडितेचे अश्लील व्हिडिओ (Obscene Video) तयार करून ते सोशल मीडिया (Social Media) वर व्हायरल करण्याची धमकी दिली. या धमकीमुळे पीडितेचा मानसिक आणि शारीरिक छळ सुरू असल्याचा आरोप तक्रारीत करण्यात आला आहे.
अखेर पीडित तरुणीने धाडस करत वाघोली पोलीस ठाण्यात तक्रार दाखल केली. तिच्या तक्रारीवरून चौघांविरुद्ध बलात्कार (Rape), धमकी (Threat) आणि इतर गंभीर कलमांन्वये गुन्हा नोंदवण्यात आला आहे. पोलिसांनी तातडीने कारवाई करत चारही आरोपींना अटक केली असून प्रकरणाचा पुढील तपास (Investigation) सुरू आहे. या घटनेमुळे पुणे शहरात एकच खळबळ उडाली असून महिलांच्या सुरक्षेचा प्रश्न पुन्हा एकदा ऐरणीवर आला आहे.