मुंब्रा : मुंबई लोकल (Mumbai Local) ही लाखो प्रवाशांची जीवनवाहिनी असली तरी गर्दीमुळे (Crowd) दररोज जीव धोक्यात घालून प्रवास करणाऱ्यांची संख्या मोठी आहे. अशाच एका धक्कादायक घटनेचा व्हिडीओ (Viral Video) सोशल मीडियावर (Social Media) वेगाने व्हायरल होत आहे. दिवा (Diva) आणि मुंब्रा (Mumbra) स्थानकांदरम्यान (Station) धावणाऱ्या लोकलमध्ये एका महिलेचा जीव थोडक्यात बचावल्याची घटना कॅमेऱ्यात कैद झाली आहे.
व्हायरल होत असलेल्या व्हिडीओमध्ये प्रचंड गर्दीमुळे (Heavy Crowd) एक महिला लोकलच्या दारात लटकून प्रवास करताना दिसते. लोकल वेगाने धावत असताना पुलाचा खांब (Bridge Pillar) अत्यंत जवळून जातो आणि महिलेची साडी थेट त्या खांबाला घासते. अवघ्या काही इंचांच्या फरकाने मोठी दुर्घटना (Accident) टळली. सुदैवाने महिलेचा तोल गेला नाही आणि तिचा हातही सुटला नाही, त्यामुळे अनर्थ टळला.
नवी दिल्ली : संसद मार्चदरम्यान (Parliament March) राजधानी दिल्लीत झालेल्या आंदोलन (Violence) प्रकरणाला आता नवे वळण मिळाले आहे. या प्रकरणात पाकिस्तान कनेक्शन (Pakistan Connection) ...
हा व्हिडीओ पाहिल्यानंतर अनेकांनी मुंबई लोकलमधील वाढत्या गर्दीबाबत चिंता व्यक्त केली आहे. विशेषतः सकाळी आणि संध्याकाळी पीक अवर्स (Peak Hours) दरम्यान लोकलमध्ये पाय ठेवायलाही जागा नसते. त्यामुळे अनेक प्रवाशांना दारात उभे राहून किंवा लटकून प्रवास करावा लागतो. याआधीही अशा धोकादायक प्रवासामुळे अनेकांनी जीव गमावला असून अनेक प्रवासी गंभीर जखमी झाले आहेत.
या घटनेनंतर रेल्वे प्रशासनाने (Railway Administration) पुन्हा एकदा प्रवाशांना दारात उभे राहून किंवा लटकून प्रवास करू नये, असे आवाहन केले आहे. मात्र, प्रवाशांनी लोकलच्या फेऱ्या (Train Services) वाढवाव्यात, गर्दीचे प्रभावी नियोजन करावे आणि प्रवासी सुरक्षा (Passenger Safety) सुनिश्चित करण्यासाठी ठोस उपाययोजना कराव्यात, अशी मागणी केली आहे.
सध्या हा थरारक व्हिडीओ सोशल मीडियावर मोठ्या प्रमाणात शेअर केला जात असून, तो केवळ व्हायरल कंटेंट नसून जीव धोक्यात घालून प्रवास करणाऱ्या प्रत्येक प्रवाशासाठी गंभीर इशारा ठरत आहे.