Nashik : नाशिकला स्वच्छ, सुंदर, सुरक्षित आणि हरित शहर म्हणून विकसित करण्याच्या उद्देशाने राज्याचे जलसंपदा व आपत्ती व्यवस्थापन मंत्री गिरीश महाजन (Minister Girish Mahajan ) यांच्या मार्गदर्शनाखाली राबविण्यात येत असलेल्या 'उन्नत नाशिक अभियान' अंतर्गत 'हरित कुंभ – हरित मान्सून' अर्थात 'मिशन ग्रीन मान्सून' अभियानाचा चौथा टप्पा रविवारी (दि. १९ जुलै) पार पडणार आहे. (Nashik News )
Dhule Mumbai Agra Highway accident : नाशिकच्या एका कुटुंबाचा परतीचा प्रवास अपूर्णच राहिल्याची दुर्दैवी घटना घडली आहे. अजमेर येथे देवदर्शन आटोपून नाशिककडे परतीच्या ...
देशी वृक्षांची लागवड करणार
या टप्प्यात सकाळी ९ वाजता दरी येथील दऱ्याई माता देवस्थान परिसरात, तर सकाळी १०.३० वाजता शिवणई येथील सावित्रीबाई फुले पुणे विद्यापीठाच्या नाशिक उपकेंद्र परिसरात विद्यापीठाच्या पुढाकारातून मोठ्या प्रमाणावर देशी वृक्षांची लागवड करण्यात येणार आहे. नाशिकमध्ये नव्याने विकसित होत असलेल्या सावित्रीबाई फुले पुणे विद्यापीठाच्या (Savitribai Phule Pune University) उपकेंद्राला हरित पर्यावरणाची जोड मिळणार आहे. विद्यार्थ्यांना हिरव्यागार, स्वच्छ आणि पर्यावरणपूरक वातावरणात शिक्षण घेता यावे, तसेच पर्यावरण संवर्धनाचे संस्कार रुजावेत, या उद्देशाने हा उपक्रम राबविण्यात येत आहे. या कार्यक्रमाला विद्यापीठाचे कुलगुरू यांच्यासह शिक्षण क्षेत्रातील मान्यवर उपस्थित राहणार आहेत. (Nashik News )
मुंबई : कोरोना महामारीच्या आठवणी अजून ताज्या असतानाच पुन्हा एकदा कोविड-१९च्या रुग्णसंख्येबाबत चिंता वाढवणारी माहिती समोर आली आहे. आंध्र प्रदेशानंतर ...
पर्यावरण संवर्धनाला लोकचळवळीचे स्वरूप
'उन्नत नाशिक अभियान'च्या माध्यमातून पर्यावरण संवर्धनाला लोकचळवळीचे स्वरूप प्राप्त झाले असून, सामाजिक, धार्मिक, शैक्षणिक संस्था, स्वयंसेवी संस्था, युवक संघटना, पर्यावरणप्रेमी आणि नागरिकांचा उत्स्फूर्त सहभाग मिळत आहे. या अभियानाची सुरुवात २८ जून रोजी सातपूर येथील देवराई परिसर आणि शिंदे ग्रामपंचायत हद्दीत वृक्षारोपणाने झाली. त्यानंतर मसरूळ वनराई (पिकॉक गार्डन) आणि त्र्यंबकेश्वर रोडवरील ग्रेप काउंटी परिसरात सुमारे सहा हजार वृक्षांची लागवड करण्यात आली. तिसऱ्या टप्प्यात नंदिनी नदीच्या दोन्ही तीरांवर सहा हजार देशी वृक्षांची लागवड करून हरित संरक्षण कवच उभारण्याचा संकल्प पूर्ण करण्यात आला. (Nashik News )
श्रीलंका : श्रीलंकेत आज (१८ जुलै) पासून लंका प्रीमियर लीग २०२६ स्पर्धेची सुरुवात होणार आहे. यापूर्वीच क्रिकेट विश्वात खळबळ उडाली आहे. भारताला अंडर-१९ ...
दरी आणि शिवणई परिसरात वृक्षलागवड
चौथ्या टप्प्यात दऱ्याई माता देवस्थान परिसरातील डोंगराळ भागात देशी वृक्षांची लागवड करून हरित वैभव वाढविण्यात येणार आहे. तसेच शिवणई येथील पुणे विद्यापीठ उपकेंद्र परिसर भविष्यात पर्यावरणपूरक आणि निसर्गरम्य शैक्षणिक संकुल म्हणून विकसित करण्याचा संकल्प या उपक्रमातून साकार होणार आहे. या मोहिमेत लोकप्रतिनिधी, शासकीय अधिकारी, सामाजिक संस्था, युवक, विद्यार्थी, पर्यावरणप्रेमी आणि नागरिक मोठ्या संख्येने सहभागी होणार आहेत. पर्यावरण संवर्धनाला जनआंदोलनाचे स्वरूप देण्यासाठी रविवारी मोठ्या संख्येने उपस्थित राहण्याचे आवाहन संयोजकांनी केले आहे.