Nashik : मोबाईल सीडीआर नाही, सीसीटीव्ही फुटेज नाही आणि प्रत्यक्ष साक्षीदारही नाही तरीही अवघ्या एका रेल्वे तिकिटाच्या (Railway Ticket) तुकड्यावरून नाशिक पोलिसांनी (Nashik Police) सात दिवसांत हरियाणातून (Haryana) मारेकऱ्यांना गजाआड केलेला तपास आता संपूर्ण महाराष्ट्रातील पोलीस अधिकाऱ्यांसाठी अभ्यासाचा विषय ठरला आहे.
पाथर्डी फाटा (Pathardi Phata) परिसरातील योगेश मोगरे हत्याकांडाचा (Yogesh Mogre Murder Case) तपास महाराष्ट्र पोलीस महासंचालकांनी राज्यस्तरीय उत्कृष्ट गुन्हे अन्वेषणाच्या केस स्टडीत (State-level case studies of excellent crime investigations) समाविष्ट केला आहे. कोणतेही डिजिटल पुरावे नसताना तत्कालीन सहायक पोलीस आयुक्त आनंदा वाघ, सहायक निरीक्षक ज्ञानेश्वर मोहिते, पीएसआय पोपट कारवाळ आणि हवालदार प्रशांत वालझाडे यांच्या पथकाने केवळ पारंपरिक तपास पद्धतीचा आधार घेत हा गुन्हा उघडकीस आणला. ( Nashik News )
- उपमुख्यमंत्री एकनाथ शिंदे यांची घोषणा; केंद्रीय गृहमंत्री अमित शाह यांच्यासह 'ईशान सेतू' उपक्रमात सहभागी मुंबई : महाराष्ट्राचे आराध्य दैवत असलेल्या ...
एका तिकिटावरून शोधले आरोपी
गुन्ह्याची कोणतीही पार्श्वभूमी नसताना घटनास्थळी मिळालेल्या एका तिकिटाची बारीक लिंक जोडत या पथकाने थेट हरियाणातील (Haryana) गुन्हेगारीचे केंद्र समजले जाणारे सोनपत आणि रोहतक गाठले आणि दोन्ही संशयित मारेकऱ्यांना जेरबंद केले होते. यामध्ये ३० मार्च २०२३ रोजी पहिल्या विधिसंधर्षित संशयिताला ताब्यात घेण्यात आले तर ४ एप्रिल २०२३ रोजी मुख्य संशयितास अटक करून मोगरे यांची कार जप्त काण्यात आली. घटनेतील सर्व डिजिटल रस्ते बंद असतानाही, तत्कालिन सहायक पोलीस आयुक्त आनंदा वाघ, सहायक निरीक्षक ज्ञानेश्वर मोहिते, पीएसआय पोपट कारवाळ आणि हवालदार प्रशांत वालझाडे यांनी केवळ फिजिकल पोलिसिंगचा कसब वापरून हा गुंतागुंतीचा गुन्हा उघडकीस आणला. ( Nashik News )
मुंबई : मुख्यमंत्री मत्स्यसंपदा योजनेची (Matsya Sampada Yojana) प्रभावी अंमलबजावणी करून राज्यातील अधिकाधिक मच्छिमारांना योजनांचा लाभ मिळावा, यासाठी व्यापक ...
डीजीपींच्या अधिकृत अभ्यासपुस्तिकेत समावेश
पोलीस दलात दरवर्षी हजारो गुन्हे उघडकीस येतात, मात्र ज्या गुन्ह्यांमध्ये कोणताही ठोस पुरावा नसताना निव्वळ बुद्धिमत्ता आणि पारंपरिक तपासाच्या जोरावर छडा लावला जातो, अशा मोजक्याच प्रकरणांना स्टेट केस स्टडीचा मान मिळतो. नाशिकमधील महाराष्ट्र पोलीस अकादमीमध्ये (Maharashtra Police Academy) भावी पोलिस उपअधीक्षक आणि पोलीस उपनिरीक्षकांना ‘अतिशय प्रतिकूल परिस्थितीत पुरावा कसा शोधायचा’ हे शिकवण्यासाठी आता नाशिक पोलिसांच्या या मार्गदर्शक समावेश तपासाचा पाठ्यपुस्तकात करण्यात आला आहे. राज्यातील उत्कृष्ट तपासांमधून नाशिकच्या या प्रकरणाचा डीजीपींच्या अधिकृत अभ्यासपुस्तिकेत थेट समावेश झाल्याने नाशिक पोलिसांच्या कर्तव्यदक्षत्याचे सर्वत्र कौतुक होत आहे.
