Ahilyanagar : गेल्या काही दिवसांपासून श्रीरामपूरमध्ये (Shrirampur) वाढलेल्या गुन्हेगारीच्या घटना नागरिकांसाठी डोकेदुखीच्या ठरत आहेत. नागरिकांकडून पोलिसांच्या कामकाजावर प्रश्नचिन्ह उपस्थित केले जात असतानाच पोलिसांकडून मोठी कारवाई करण्यात आली असून एका सराईत गुन्हेगारासोबत संबंध असल्याच्या कारणावरून एका पोलीस अंमलदाराला निलंबित करण्यात आले आहे. शंकर चौधरी असे निलंबित करण्यात आलेल्या पोलीस अंमलदाराचे नाव आहे.
सुनील तटकरे; अर्थमंत्री पदाबाबत सुनेत्रा पवारांसह मुख्यमंत्र्यांना भेटणार मुंबई : "आमच्या पक्षात कुठलाही गैरसमज, विसंवाद अथवा अविश्वासाचा विषय नाही. ...
नेमकं प्रकरण काय ?
पोलीस अमंलदार शंकर चौधरी (Shankar Chaudhary) हा पोलीस मुख्यालयात कार्यरत होता. यापूर्वी त्याची नेमणूक श्रीरामपूर येथील अप्पर पोलीस अधीक्षक कार्यालयात (Office of the Additional Superintendent of Police) होती. मात्र, गुटखा तस्करीशी संबंधित कथित हप्तेखोरीच्या आरोपांनंतर तत्कालीन पोलीस अधीक्षकांनी त्याची बदली पोलीस मुख्यालयात केली होती. त्यानंतरही त्याच्या विरोधातील तक्रारी मात्र कायम होत्या.
काळ्या समुद्रात रशिया आणि युक्रेनमधील सागरी संघर्ष अधिक तीव्र झाला आहे. १४-१५ जुलैच्या रात्री युक्रेनने क्रिमियाजवळ रशियाच्या ‘शॅडो फ्लीट’मधील २० ...
पोलिसांकडूनच अवैध धंद्यांना संरक्षण ?
श्रीरामपूर शहरातील हॉटेल व्यावसायिक आकाश दुबैय्या यांच्या खुनानंतर शहरात तीव्र संतापाची लाट उसळली आहे. वाढलेल्या गुन्हेगारीच्या पार्श्वभूमीवर गुन्हेगारांविरोधात कठोर कारवाईची मागणी अधिक तीव्र झाली आहे. काही स्थानिक लोकप्रतिनिधींनी पोलिसांवर गंभीर आरोप केले होते. दरोडे, खून, वाळू तस्करीसारख्या गंभीर गुन्ह्यांमध्ये सहभागी असलेल्या सराईत गुन्हेगारांशी काही पोलीस कर्मचार्यांचे संबंध असून त्यांच्या अवैध धंद्यांना संरक्षण दिले जात असल्याचा आरोप करण्यात आला होता. आणि या आरोपांमध्ये पोलीस अंमलदार चौधरी याचे नावही पुढे आले होते.
Nashik : विद्यार्थ्यांच्या शालेय गणवेशाच्या गुणवत्तेत गंभीर त्रुटी आढळून आल्याचं जिल्ह्यात आढळून आल्याने प्रशासन खडबडुन जागं झालं आहे. राज्य शासनाच्या ...
निलंबिताचे गुन्हेगारांसोबत फोटो
महत्त्वाचे म्हणजे शंकर चौधरी याचे खून, वाळू तस्करी, दरोडा अशा स्वरूपाचे गंभीर गुन्हे दाखल असलेल्या सराईत गुन्हेगारासोबतचे काही फोटो मध्यंतरी सोशल मीडियावर व्हायरल झाले होते. यानंतर या फोटोंबाबत पोलीस वरिष्ठांकडे अनेक तक्रारी गेल्या होत्या. वैजापूर पोलीस ठाणे (Vaijapur Police Station) हद्दीत वाळू तस्करांनी शेतकर्याला मारहाण केली त्यावेळी एक व्हिडिओ व्हायरल झाला होता. त्यामध्ये देखील गुन्हेगारांकडून चौधरीचे नाव घेतले गेले होते. त्यामुळे हा विषय गंभीर बनत चालला होता.
यामुळे थेट पोलिसांच्या कार्यक्षमतेवर सातत्याने प्रश्न उपस्थित होत असताना गुन्हेगारांशी कथित संबंध असल्याच्या आरोपांमुळे पोलीस दलाची प्रतिमा मलीन होत असल्याची भावना नागरिकांकडून व्यक्त केली जात होती. या पार्श्वभूमीवर पोलीस अधीक्षक सुदर्शन यांनी चौधरी याच्यावर निलंबनाची कारवाई करून अशा प्रकारांना सहन केले जाणार नसल्याचा स्पष्ट संदेश दिल्याचे मानले जात आहे. या कारवाईमुळे शहरात दिलासा मानला जात आहे.