मुलगी झाल्याने सासरच्यांकडून छळ, गळफास घेऊन नवविवाहितेची आत्महत्या
कोल्हापूर: कोल्हापूरच्या (Kolhapur) राजारामपुरी परिसरात २१ वर्षीय नवविवाहितेने राहत्या घरी गळफास (Hanging) घेऊन जीवन संपवल्याची धक्कादायक घटना समोर आली आहे. या घटनेनंतर मृत विवाहितेच्या कुटुंबीयांनी पतीसह सासरच्या मंडळींवर मुलगी जन्माला आल्यामुळे छळ केल्याचा गंभीर आरोप केला आहे.
मृत विवाहितेचे नाव अस्मिता काटकर असे असून, त्यांच्या मुलीचा बारसा १५ जुलै रोजी होणार होता. मात्र, त्यापूर्वीच ही दुर्दैवी घटना घडल्याने परिसरात हळहळ व्यक्त होत आहे. (Suicide new)
मृत महिलेच्या आई आणि भावाने सासरच्या मंडळींवर मानसिक व शारीरिक छळ (Mental and physical harassment) केल्याचा आरोप केला आहे. मुलगा न झाल्यामुळे आणि मुलगी जन्माला आल्याने अस्मितावर सतत दबाव टाकला जात होता, असा दावा त्यांनी केला आहे.
मिळालेल्या माहितीनुसार, घटनेच्या वेळी अस्मिताचे पती, सासू आणि सासरे बारशासाठी हॉल पाहण्यासाठी घराबाहेर गेले होते. अस्मिता घरी एकट्या असताना त्यांनी घराचा दरवाजा आतून बंद करून बेडरूममध्ये छताच्या पंख्याला ओढणीच्या साहाय्याने गळफास घेतला. (Kolhapur Suicide)
काही वेळाने कुटुंबीय घरी परतल्यानंतर दरवाजा आतून बंद असल्याचे लक्षात आले. अनेकदा हाक मारूनही प्रतिसाद न मिळाल्याने शेजाऱ्यांच्या मदतीने दरवाजा तोडण्यात आला. त्यावेळी अस्मिता गळफास घेतलेल्या अवस्थेत आढळून आल्या.
या प्रकरणी पोलिसांनी गुन्हा नोंदवून तपास सुरू केला आहे. मृत्यूमागील (Death) नेमके कारण आणि कुटुंबीयांनी केलेल्या आरोपांची चौकशी सुरू असून, तपासानंतर पुढील कायदेशीर कारवाई करण्यात येणार आहे.