लंडन: क्रिकेटची पंढरी समजल्या जाणाऱ्या लॉर्ड्स मैदानावर सुरू असलेल्या ऐतिहासिक कसोटी सामन्यात भारताची स्टार फलंदाज स्मृती मंधानाने एक विशेष मैलाचा दगड गाठला आहे. आपल्या कारकिर्दीतील ३०० वा आंतरराष्ट्रीय सामना खेळून तिने भारतीय क्रिकेटच्या इतिहासात आपले नाव सुवर्णाक्षरांनी कोरले आहे.
लंडन: लॉर्ड्सच्या ऐतिहासिक मैदानावर भारत आणि इंग्लंड महिला संघात सुरू असलेल्या एकमेव कसोटी सामन्याच्या पहिल्या दिवशी भारतीय महिला क्रिकेटपटूंनी ...
३०० सामन्यांचा 'एलिट क्लब'
स्मृती मंधाना भारतासाठी ३०० आंतरराष्ट्रीय सामने खेळणारी तिसरी महिला क्रिकेटपटू आणि एकूण १२ वी भारतीय खेळाडू ठरली आहे. तिच्या या कामगिरीने भारतीय महिला क्रिकेटच्या प्रगतीवर पुन्हा एकदा शिक्कामोर्तब केले आहे.
भारतीय महिला क्रिकेट संघाकडून सर्वाधिक आंतरराष्ट्रीय सामने खेळणाऱ्या खेळाडूंची यादी खालीलप्रमाणे आहे:
| खेळाडू | एकूण सामने | कसोटी | एकदिवसीय | टी-२० |
| हरमनप्रीत कौर | ३७४ | ८ | १६४ | २०२ |
| मिताली राज | ३३३ | १२ | २३२ | ८९ |
| स्मृती मंधाना | ३०० | ९ | १२० | १७१ |
| झुलन गोस्वामी | २८४ | १२ | २०४ | ६८ |
| दीप्ती शर्मा | २८० | ७ | १२४ | १४९ |
लंडन : विद्यमान विजेता जॅनिक सिनरने (Jannik Sinner) विम्बल्डन २०२६ (Wimbledon 2026) स्पर्धेच्या उपांत्य फेरीत टेनिसचा महान खेळाडू नोव्हाक जोकोव्हिच (Novak Djokovic) याचा एकतर्फी ...
स्मृती मंधानाची कारकीर्द एका नजरेत
स्मृती मंधानाने आपल्या आतापर्यंतच्या प्रदीर्घ कारकिर्दीत तिन्ही फॉरमॅटमध्ये सातत्यपूर्ण कामगिरी केली आहे. तिने कसोटी क्रिकेटमध्ये २ शतके आणि ४ अर्धशतकांसह ६९१* धावा केल्या आहेत. त्याचबरोबर, एकदिवसीय सामन्यांत १४ शतके आणि ३५ अर्धशतकांसह ५४११ धावांचा डोंगर उभारला आहे. टी-२० फॉरमॅटमध्येही तिने १ शतक आणि ३५ अर्धशतके झळकावून ४५३८ धावा केल्या आहेत.
तिची ही कामगिरी केवळ आकडेवारी नसून, भारतीय महिला क्रिकेटच्या वाढत्या प्रभावाचे प्रतीक आहे.